МАКЕДОНИЈАНАСЛОВНА

Lexus LC 500h во Скопје

Кога во 2012 година, Lexus ја претстави својата визија за иднината LF-LC, скептиците велеа дека ова тешко може да се направи и како многу други концепти ќе отидат во неповрат

Имавме ретка прилика да седнеме зад управувачот на луксузната спортска лимузина Lexus LC 500h, која за жал е на „пропатување“ низ Македонија, со цел нејзино промовирање во регионов, па немавме многу време да и се восхитуваме како што заслужува. Во Lexus, поточно тимот на Који Сато, не го делеше мислењето за LF-LC, го прифатија предизвикот и наскоро на пазарот лансира сериска верзија на прекрасното купе LC.

lexus-lc500-skopje
Станува збор за врв во понудата која за задвижување ја користи последната генерација на Multi Stage хибридниот состав, кој за ова остварување комбинира 3.5 V6 Dual VVT бензински агрегат и два електрични мотори, кои заедно развиваат 359 коњски сили. За напојување на електромоторите се користи литиум-јонска батерија, тешка само 50 килограми и за 20% помала од досега користената за хибридните изданија на луксузната марка, nikel-hybrid. Кон ова ни беше посочено дека самиот погонски состав му овозможува на автомобилот многу подобри динамички својства и перформанси, а сега управувајќи го моделот можевме во целост во тоа и да се увериме. Благодарејќи на прилагодливиот автоматски менувач, солидниот вртежен момент од 348 Nm, автомобилот до стотка забрзува за 5 секунди, а максималната брзина е 250 km/h.

lexus-lc500-skopje
LС 500h e надграден на Lexus Global Arhitecture платформата, а во конструкцијата се употребени високо квалитетен челик, алуминиум и композитни материјали од јаглеродни влакна. Голем број елементи од алуминиумот се поставени и во каросеријата на автомобилот за да се намали тежината до максимум. Предниот капак, браниците, надворешните панели на вратите и предните амортизери се изработени од овој материјал, или негови легури. Покривот е направен од јаглерод, а капакот на багажникот е од композитен материјал, кој се состои од јаглеродни влакна и честички од стакло. Сето ова е монтирано на алуминиумски тркала од 21 инч, кои уште повеќе ја намалуваат тежината. Lexus Dynamic Handling и сигурносниот состав Safety System+ одработуваат голем дел од работата, па во кабината се чуствувате крајно удобно. Пријатно се минуваат километрите со оваа 5.235 mm долга, 1.900 широка и 1.450 висок и меѓуоскино растојание од 2.870 милиметри. Мора да се напомене дека навистина комфорот изненадува и покрај фактот што според декларираното се работи за класична купе верзија со две врати и со 2+2 седишта.

lexus-lc500-skopje
Omotenashi, јапонскиот концепт на гостољубивост, е комплетно искористен во внатрешноста на возилото, односно се водело крајно сметка за потребите на возачот и патниците тие да се чуствуваат удобно и сигурно. Веднаш штом ќе седнете зад управувачот ќе го почувствувате интелигентниот пристап кон ергономијата на патничкиот простор. Сите копчиња во LC се наоѓаат токму онаму каде што очекувате, инспиративна доверба и желба за задоволство при возењето. Ниско поставената хауба и инструмент таблата обезбедуваат одлична видливост за возилото.

Клучни зборови

Поврзани вести

Close