Mitsubishi го враќа хечбекот Colt?
Јапонската компанија Mitsubishi може да ја препороди хечбек изведбата, моделот Colt, соопшти Autocar, повикувајќи се на изјавата на шефот на одделот за продажба и маркетинг на европската поделба на компанијата, Гијом Картие
Картие појаснува дека компанијата планира да пушти на пазарот компактен хечбек, како конкурент на најпопуларните во сегментот модели. Автомобилот ќе биде креиран со помош на партнерите од Алијансата Renault-Nissan и ќе ја дели платформата со Renault Clio и Nissan Micra. Хечбекот Mitsubishi Colt се произведуваше од 1962 до 2012 година. Неговиот наследник, забележува Картие, ќе се појави на пазарот не порано од 2020 година.
