Со Renault Talisman на Фрушка гора

Децении, најголемите модели во гамата на Renault не беа седани, како кај повеќето други марки, туку Французите се обидуваа да се наметнат на ова поле со некои свои, рака на срце, реално оригинални идеи, но останаа некако недоречени… Уште од времето на Renault 20, потоа Renault 25, Laguna и Safrane, и дури VelSatis, Французите се разликуваа со своите предводници, кои беа со петта врата или популарно наречени лифтбек изведби. Единствено во 2010 година се појави првиот седан модел на Renault – Latitude, но поради корејското потекло и квалитети не беше прифатен најдобро во Европа. Сето ова ги примора Французите да направат вистинска револуција во својата палета. Неодамна претставија нов предводник во склад што на ова поле го диктираат и најголемите светски компании, се разбира согласно современите трендови. Новиот луксузен модел е Talisman -симбол на заштита и моќ за брендот. Со новината се запознавме уште на неговото деби во Франкфурт, но вистинска прилика подетално да се запознаме со неговите квалитети и вредности имавме на регионалната презентација на Фрушка гора.

Екипата на Лоренс ван дер Акер поставува ново дизајнерско ремек дело, за што следеа многу вредни признанија, па и она „најубав автомобил на светот за 2016 година“. Ова е нова епизода од „приказната за неверојатниот корпоративен дизајн“ на компанијата, што го наметна ван дер Акер. Во развојот на моделот се избрани типични за D-сегментот форми, кои го красат еден седан, па затоа и се споредува со конкурентите VW Passat, Peugeot 508…, но, поради карактеристични гени на Renault, ако добро се загледа, новината е навистина оригинална, сама за себе. Вкупната должина од 4,85 метри, ширина од 1,87 и висина од само 1,46 метри го прават Talisman меѓу предводниците според димензиите, а долгото меѓуоскино растојание од 2,81 метри е на корист на внатрешниот простор. Предниот дел на Talisman го нагласува новиот идентитет на Renault со исправено дијамантско лого на хромираната маска. Новиот визуелен потпис на Renault е изразен преку С-одразот на дневните светла, кои продолжуваат дури до браникот. Средното и долгото светло се со врвна LED технологија. Динамичниот профил е збогатен со третиот страничен прозорец, што асоцира на луксузните лимузини. Хромираните рамки на прозорците само ја дообликуваат елегантната силуета на Talisman. Ниската задница се издвојува со светлосен блок, издолжен навнатре кон средишниот дел на багажникот. Оваа форма на светлата го засилува моќното емитување и истовремено со тоа привлекува вниманието кон логото на Renault. Тродимензиониот светлосен ефект остава визуелен силен впечаток дури и при дневна светлина. Новото Renault Talisman нуди избор од 10 екстериерни бои, кои се дополнети со многу издржлив лак, обезбедување сјај и повисок степен на одржливост. Достапни се пет видови фелни со големина од 16 до 19 инчи.

Во пријатен со атмосфера ентериер, материјалите се меки на допир, седиштата се удобни, а просторот за патниците и на двата реда седишта е огромен. Во внатрешноста има многу простор за главите на патниците напред и назад, во областа на лактите напред и на колената позади. Широката централна конзола го надополнува впечатокот за просторност и широчина и е изработена со посебно внимание. Во централната конзола е интегриран вертикален таблет на системот R-Link 2 со 8,7-инчен чуствителен на допир дисплеј со исчистена и интуитивна графика. Тој функционира како домашен таблет и ги има истите сензорски квалитети – зголемување со два прста, прелистување на страници… Освен тоа е навигацискиот дисплеј е со три-димензионални слики на згради, со гласовни команди, прикажување на текстуални пораки и читање на глас на истите, Bluetooth… Волуменот на багажникот од 608 литри е еден од најголемите во сегментот, што го прави идеален за семејни клиенти.

Новиот Talisman е управуван од ефикасни, но динамични турбо мотори на Renault со мал работен волумен. Бензинските турбомотори се со директно вбризгување на горивото и работна зафатнина од 1,6 литри со моќност од 150 и 200 КЅ. И двата се во комбинација со 7-брзински автоматски менувач EDC со двојна спојка. Седанот се нуди и со три дизелски мотори, најмалиот е Energy dCi 110 со работна зафатнина од 1,5 литри и 110 КЅ, а поголемите се 1,6-литарски во две варијанти на моќност, со 130 и 160 КЅ. Првите два агрегати може да се комбинираат со 6-брзински мануелна или со 6-степена EDC автоматска трансмисија со двојна спојка, а dCi 160 со две турбини е во комбинација само со 6-брзински автоматски менувач. Моторите на Talisman нудат релативно добра динамика и ниска потрошувачка на гориво.

Новиот Renault Talisman е единствениот седан од D-сегментот, кој е опремен со систем 4Control за вртење на сите тркала. Во град, при брзина до 60 km/h задните тркала се свртуваат до 3,5 степени во насока спротивна на предните, што го олеснуваат маневрирањето. Надвор од град, над 60 km/h, задните тркала свртуваат до 2 степени во иста насока со предните. Нискиот центар на гравитација и системот 4Control обезбедуваат стабилно однесување на возилото, што стои на патот со свиоци. Покрај тоа, системот 4Control е поврзана со активно суспензија која ја менува работата на амортизацијата и ги прави тврди или меки во зависност од избраниот режим. Благодарение на генијален технологија Multi-Sense, возилото може да биде поставен така што да одговори на желбите на возачот и патниците преку четири претходно програмирани режими – Comfort, Sport, Eco и Neutral, плус целосно персонален режим Perso. Секој од овие различни режими создава и координира специфични емоции за време на возење, регулирање реакцијата на моторот, менувачот на преносот, степенот на напор бара се за вртење на воланот, активните амортизери и конфигурацијата на системот 4Control. Сите овие вредности можевме да ги почуствуваме во центарот NAVAK крај Белград и на патот до Ириг. Цените за македонскиот пазар ќе бидат познати наскоро по неговото пристигнување.