Tesla го објави ценовникот за Model 3 во Европа
Американскиот производител Tesla најави дека започнува продажба на најдостапниот електричен автомобил Tesla Model 3 во Европа, каде веќе се јасни и цените за пазарите на кои ќе се нуди.
Првите испораки до крајните корисници ќе се одржат во февруари, со конфигурации и цени кои се веќе достапни на веб-страницата на Tesla. Компанијата наведува дека пристапот до нив ќе биде активиран во рок од неколку дена, па оние кои сакаат можат да резервираат електричен автомобил.
Слично на САД, во Европа, исто така, барем засега, ќе се нудат само премиум-верзиите на Model 3. Односно, клиентите ќе треба да се одлучат за моделите со поголем опсег и со погон на сите четири тркала, кои соодветно се и поскапи.
За времето до февруари 2019 година во Tesla ќе треба да го решат и проблемот со полнењето на Model 3 чија порта не одговара на европскиот стандард CCS. Компанијата на Маск веќе објави дека почнала да ги обновува своите станици во Европа за да им дозволи на другите производители да ги користат за електричните автомобили.
Во Германија, Model 3 со погон на сите тркала и автономија од 544 km ќе се продава за 57.900 евра. Посилната верзија, Performance, се проценува на 68.600 евра. Во соседна Австрија, цените се 58.300 и 69.100 евра, соодветно. Во Франција по слабата варијанта на Model 3 е 53.500 евра (со бонус од властите), а верзијата Performance се нуди за 64.300 евра. Цените во Шпанија се 59.100 и 70.100 евра соодветно за двете модификации.
