Викенд тарифа: Опасен дрифт со 900 коњски Mustang RTR

Има само неколку луѓе во светот доволно вешти во дрифтањето како 38-годишниот Вон Гитен. Професионалниот возач позади себе има десетина победи, а она со кое најмногу може да се пофали е освоениот шампионат во својата кариера во Formula Drift. Овој пат, возачот своите способности ќе ги покаже позади управувачот на екстремно моќниот Ford Mustang RTR, со помош на кој ќе се обиде да ја помине цела Nürburgring стаза само со дрифтање.

Под поклопецот на овој бесен автомобил се наоѓа V8 мотор кој му обезбедува моќност од неверојатни 900 коњски сили.

Поминувајќи ја патеката долга 20,7 километри, кралот во светот на дрифтот станува првиот и единствен возач кој ја поминал Nürburgring со ваков начин на возење. Но, ова не е неговиот прв обид. Речиси една година претходно, Вон беше принуден да се откаже од остварувањето на својата идеја поради лошите временски услови.

Во продолжение погледнете го инзвонредниот подвиг на Гитен, зачинет со прекрасниот звук на 900 коњскиот V8.