Возилата на Renault-Nissan-Mitsubishi единствени до 2022 година

Ова го посочуваат од автомобилскиот гигант и истакнуваат нови детали во врска со своите визии за блиска иднина.

Развојот на гамата на поединечните брендови и технолошките новини, кои можат да се очекуваат во иднина, ќе донесат многу изненадувања за клиентите.

– Веруваме дека нашите се повеќе поврзани, интелигентни, автономни и „чисти“ автомобили ќе ни помогнат да ги прифатиме предизвиците на мобилноста на иднината, истакна Оги Реџич, постар заменик претседател на единицата Поврзани автомобили и Мобилност на Алијансата. – Гледаме во иднина во која роботските возила ќе играат голема улога во глобалниот мобилен екосистем.

Во однос на електрификација, Алијансата може да се пофали со повеќе врвни остварувања, Nissan Leaf, од кои се реализирани повеќе од 270.000 примероци, комерцијални предлог Nissan e-NV200, со повеќе од 125.000 пласирани единици, а Renault ZOE со учество од 25% во вкупната продажба е најпосакуваниот модел на Стариот континент.

Од другите модели на Renault треба да се споменат Kangoo ZE, Fluence ZE, SM3 ZE и Twizi. Француската марка е лидер на европскиот пазар на електрични возила. Од Renault-Nissan-Mitsubishi ветуваат дека до крајот на 2022 година во продажба ќе бидат пуштени 12 нови електрични автомобили на Алијансата, 70% од нив ќе бидат развиени на заедничка платформа, а 100% од компонентите на погонските системи ќе бидат единствени.

Од Алијансата коментираат исто така, дека како резултат на синергија и зголемувањето на ефикасноста на батериите и погонските системи, очекуваат до 2022 година палетата електрични возила да нуди автономија од над 600 километри. Поефикасните батерии ќе придонесат и за нивно ефективно и брзо полнење, а очекувањата се за можност за генерирање на километража од 230 километри само по 15 минути полнење.

Иднината на Алијансата предвидува и plug-in хибридни модели, а за оваа ќе се искористат знаењето и акуталните технологии на Mitsubishi, кои ќе бидат интегрирани во модели од C и D сегментот на Renault и Nissan. Во однос на иднината на автономната управување, од Renault-Nissan-Mitsubishi коментираат дека во моментот во портфолиото на компаниите фигурираат повеќе активни системи за дополнителна безбедност, а во исто време екипите работат на нови такви за обезбедување на уште поголема безбедност на патот.

До 2022 година Алијансата ќе понуди 40 возила на пазарот со автономни технологии за управување. Во моментов, Nissan нуди високотехнолошки асистент-состави на управувањето кај моделите Serena и X-TRAIL, а во иднина тие ќе бидат достапни и за целосно новата генерација на Leaf. Во 2022 година, ќе бидат понудени првите целосно автономни претставници на Алијансата и нема да бараат интервенција на возачот.

Благодарение на формираната во 2016 година Alliance Connected and Mobility Services (A-CMS), Алијансата вети забрзана интеграција на системи за поврзување за сите нејзини брендови. Во моментов поделбата Alliance Connected Cloud сервис работи на можност за поврзување во мрежа како идните, така и насегашните, но и постарите модели на трите компании. Дел од придобивките на поврзување, ќе можат да ги искористат клиентите на Алијансата, за далечинска дијагностика, планирање на патувања и размена на информации помеѓу одделните возила, а до 2020 година, A-CMS ќе понуди уште 35 различни услуги.