На гала вечер во Салцбург доделени AutoBest наградите
Годинешново 17-то по ред издание на AutoBest беше крунисано со гала вечерта, која овој па се одржа во Салцбург
![AutoBest](https://avtoplus.mk/wp-content/uploads/2018/02/B-n-780x405.jpg)
Жирито што ја доделува Best Buy Car of Europe титулата, односно автомобил кој нуди најмногу за својата цена и овој пат на едно место ги собра водечките луѓе од светските производители, голем број гости и експерти од светот на автомобилизбмот. Високо ценета меѓу сите, оваа независна манифестација во автомобилската индустрија во Европа, важи за настан со уметнички концепт.
Во тој дух беше одржана и овој пат, во знакот на Моцарт и неговиот животен опус, кој е роден во Салцбург. Исклучителната архитектура на славната Salzburger FestspielHaus која датира од 1668 година понуди пријатна и релаксирачка атмосферата во која уживаа сите, а најмногу претставниците на Citroen, чиј C3 Aircross е годинешен носител на AutoBest титулата.
Задоволство на лицата се гледаше и кај освојувачите на останатите награди – Jaguar Land Rover (CompanyBest), Ли Шуфу – Geely (ManBest), Seat (SmartBest), Марек Рајхман – Aston Martin Lagonda (DesignBest), PSA групата (EcoBest), Toyota (SafetyBest) и Фриц Енцингер – Porsche (SportBest). Честа прв да зачекори во AutoBest алејата на славните ја имаше господин Волфганг Порше, претседателот на надзорниот одбор на автомобилскиот производител и холдингот кои го носат неговото семејно име.