Автомобилите на новата миленијална генерација

Миленијалците се генерација која се издвојува со брза адаптација кон технолошкиот напредок. Па како и многу други компании од различни свери кои ја истражуваат оваа генерација и инвестираат во нови и иновативни начини за привлекување на истата, така и SEAT спроведе истражување на оваа генерација која ги има поставено своите песни на „Cloud“ и користи последна генерација на смартфони.

За 40% од сегашните купувачи на автомобили помеѓу 25 и 37 години, надворешните линии се една од главните причини за купување на возило, бидејќи тие сметаат дека автомобилот е одраз на нивната личност. Да не заборавиме и дека звучниот систем и инфо-забавниот систем се дополнителни одлучувачки елементи за еден од секои три миленијалци.

50% од оваа популација преферираат компактни модели, 20%  се одлучуваат за SUV сегментот, но сепак многу мал дел од оваа популација можат да си дозволат да купат автомобил. Поради неможноста да си дозволат да купат автомобил и трендот на делење на автомобил кој се интензивира, според Енрике Пастор, одговорен за истражувања на пазарот и стратегија на производот во SEAT, начинот на бирање и користење на автомобил е променет во однос на минатото.

Според Пастор: „Во просек се потребни девет недели за миленијалците да се одлучат за купување. Бидејќи одвојуваат време да бидат подобро информирани и се релативно помалку искусни во процесот на купување автомобил, исто така потребно им е повеќе време за одлука“.