Daimler и BMW со заеднички проект
Германските автомобилски производители Daimler и BMW се договорија да ги здружат своите „каршеринг“ компании Car2Go и DriveNow
Според информации на Bloomberg и Reuters, одлуката е донесена со идејата новото обединување да може да се спротивстави на гиганти, како американскиот Uber и кинескиот Didi. Со тоа Mercedes и BMW заедно ќе развиваат услуги за споделено возење и за такси (ride-hailing, Mytaxi, Chauffeur Prive, Clever Taxi и Beat), системи за паркирање (ParkNow и Parkmobile), полнење на електрични возила (ChargeNow и Digital Charging Solutions), како и работилниците (Moovel и ReachNow).
Тоа го најавија BMW и Daimler во заедничко соопштение за медиумите, во кое се напоменува дека двете компании ќе имаат еднакви акции во новото здружение. Според Handelsblatt двата германски гиганти имаат за цел да создадат „каршеринг“ сервис со 4 милиони клиенти и 20.000 возила. Вредноста на ваквото мешовито претпријатие ќе е над една милијарда евра. Предвидено е во иднина, особено во Европа, бројката на клиентите да се зголеми до 40 милиони.
