FCA ја обвини Mahindra за копирање

Имено, цената на индиската машина изнесува импресионирачки 15.499 долари, што е навистина многу под моделите на Јеер. Во жалбата поднесена до Комисијата за меѓународна трговија на САД се вели дека индискиот автопроизводител Mahindra & Mahindra Ltd. користел во дизајнот на својот модел стилски елементи од Jeep, квадратна каросерија, рамните страници и идентична заден дел.

Алијансата стравува дека надворешно, практично идентичениот и евтин индиски теренец ќе ги заинтересира потенцијалните клиенти и ќе предизвика пад на продажбата на FCA. Според статистика во јули продажбата на Jeep била рекордна со раст од 16%, што е за 5,9% повеќе од јули минатата година.

Од раководството на индискиот производител ги отфрлаат обвинувањата на FCA, нагласувајќи дека „компаниите имаат долги лиценцирани односи, уште од 40-тите години на минатиот век”, кои продолжуваат и денес.

1 | 

2 | 

3 | 

Нашите производи, вклучувајќи го и Roxor, го оправдуваат наследството на овие односи и условите на нашите аранжмани со FCA. Mahindra повеќе од 25 години соработува со FCA (и марката Jeep) во Индија и во многу други земји, рече претставникот на северо-американската поделба на индиската компанија, Рич Ансел.

Mahindra Roxor дебитира овој март, моторот му е 2.5-литарски дизел со моќност од 63 КС (195 Nm) во спрега со петстепен мануелен менувач. Поради некои карактеристики на дизајнот и отсуството на системи за безбедност, не може да се користи на нормални американски патишта. Лани Mahindra & Mahindra Ltd., која се позиционираше како најголем производител на SUV модели во Индија, отвори нов погон во Југо-источен Мичиген.

Тогаш беше најавено дека компанијата е подготвена да инвестира 600 милиони долари во реновирање на монтажната линија на Roxor во Мичиген, а до 2020-та година да го зголеми бројот на вработените на 670 лица.