Fiat Grande Panda 4×4 Manifesto – концепт инспириран од класиката од 1983
Grande Panda 4x4 Manifesto беше претставен како концепт, но веројатно ќе еволуира во сериска верзија со можности за погон на сите тркалa
Сегментот на мали, робусни кросовери станува сè поинтересен, откако Fiat ја претстави концепт верзијата на Grande Panda 4×4, под името Manifesto. Овој урбан теренец со електрифицирана задна оска најавува полноправна AWD изведба на моделот, со дизајн инспириран од легендарната Panda 4×4 од 1983 година.
Концепт со карактер и ретро стил
Новата Grande Panda 4×4 Manifesto дебитираше за време на медиумскиот тест на Grande Panda Hybrid во Италија. Според Fiat, овој модел е „најцелосен израз на една идеја што постојано еволуира“ и ја поставува основата за „возбудливо патување“. Изјавите се совпаѓаат со порака од CEO-то на Fiat, Оливие Франсоа, кој претходно потврди дека се развива полноприводно издание на Grande Panda.
Робустен изглед и практични детали
Во споредба со стандардната верзија, Manifesto има неколку визуелни и функционални разлики. Истакнати се дополнителни пластични облоги, кровен багажник со резервна гума, како и пиксел LED светла интегрирани во решетката и покривот. Надворешноста е обоена во Bordeaux нијанса како омаж на оригиналната Panda 4×4, надополнета со беж акценти и ретро 16-инчни челични тркала обвиткани со теренски гуми.
Електрифицирана задна оска за AWD погон
Клучната иновација кај Manifesto е неговата електрифицирана задна оска, која овозможува полноправен погон на сите тркала (AWD). Според достапните информации, овој систем е сличен на 28 КС заден електромотор кој се користи во Jeep Avenger 4xe и Alfa Romeo Junior Ibrida Q4, што сугерира дека Fiat ја користи истата архитектура на погон.
Сè уште не е потврдено дали оската е комбинирана со 1.2-литарскиот mild-hybrid бензинец, или предната оска исто така ќе биде електрична. Сепак, постои можност системот да биде флексибилен и компатибилен со повеќе типови на погонски единици.
Очекувано пристигнување во 2026 година
Иако Fiat не откри точен датум на лансирање, се очекува сериската верзија на Grande Panda 4×4 да пристигне во европските салони во текот на 2026 година. Со својот ретро-дизајн, зголемена проодност и модерен електрифициран погон, Manifesto ветува да биде идеален избор за градски авантуристи што сакаат повеќе од само стил.
