Ford го покажа европскиот Mustang Mach 1

Ограничената серија на Ford Mustang Mach 1 го забележа европското деби на Goodwood Speedweek, а Ford ги претстави и спецификациите за моделот

Ford во Европа ќе пласира нешто поизменета верзија на новиот Mustang Mach 1. Овој автомобил ќе биде првиот продукциски Mustang во Европа кој ќе биде достапен со TREMEC шестстепениот мануелен менувач, но купувачите ќе можат да го изберат и 10-степениот автоматик со унапреден ладилник за масло и рекалибриран софтвер за севкупни перформанси.

Ford Mustang Mach 1

Ford Mustang Mach 1 се напојува од специјално калибрираниот 5,0-литарски V8 мотор со 460 КС, што е речиси 30 КС помалку од она што се нуди во САД. Веројатно тоа се должи на регулативите за емисијата на CO2, но и покрај се, ова ќе биде најбрзиот Mustang кој се продавал во Европа.

Ford Mustang Mach 1

Новиот Mustang Mach 1 ја истакнува својата перформансна природа преку храбриот дизајн на хаубата и страничните ленти, стајлингот на каросеријата и уникатните 19-инчни тркала од алуминиумска легура. Купувачите ќе можат да изберат меѓу осум различни бои, ленти и контрастни комбинации, како потсетник на дизајнот на легендарните Mach 1 Mustang модели од 60-тите и 70-тите години.

Ford Mustang Mach 1

Секој индивидуален Ford Mustang Mach 1 е обележан со уникатна плакета. Кога станува збор за ентериерот, тука е Ebony шемата и Dark Engine алуминиумските детали, додека кожните спортски седишта се карактеризираат со Metal Grey шевови. Како стандард пристигнуваат греењето и ладењето на предните седишта, SYNC3 конективност, премиум B&O аудио систем со 12 звучници и FordPass Connect систем.

Конкретните цени за Европа се очекува да бидат објавени нешто подоцна.

Поврзани вести

Back to top button