Франкфурт 2017: Новиот Audi RS4 Avant помоќен и побрз

.
Новиот Audi RS4 Avant има светска премиера на овогодинешното меѓународно шоу во Франкфурт, а продажбата на спортскиот вагон се очекува да започне на почетокот на следната година по основна цена од 79.800 евра.

Audi RS 4 Avant доаѓа со 2.9 литарски V6 TFSI biturbo погонски агрегат, кој генерира моќност од 450 коњски сили и максимален вртежен момент од 600 Nm кои се пренесува на четирите тркала со помош на системот quattro. Во комбинација со роботски менувач со осум брзини, спортски вагон може да забрза од 0 до 100 km/h за 4,1 секунда и може да развие максимална брзина од 250 km/h. Во комбинација со пакетот RS, брзината се зголемува до 280 km/h.

Опремата на новиот Audi RS 4 Avant вклучува спортска суспензија, керамички композитни сопирачки дискови, аеродинамичен пакет, специјален заден дифузер, спортски управувач со скратено дно и многу повеќе.