Honda ќе инсталира во нова двонасочна технологија
Honda инвестира во исклучително современа двонасочна технологија за полнење во развојниот европски центар во Офенбах, во Германија
Тоа ќе донесе многу поефикасен баланс помеѓу потрошувачката и складирањето на потребната енергија за производната активност.
Воведувањето на технологијата во Германија е само презентирање на концептот на Honda во Франкфурт за управување со енергијата (Power Manager Concept). Техничкиот прототип покажа како е можно да се случи целосна размена на енергија меѓу електромобил и електричната мрежа, па неговите акумулатори да се полнат од неа, но и при потреба автомобилот да обезбедува енергија за домашната мрежа.
Ова е можно благодарение на технологијата Vehicle to Grid (или V2G). На истиот принцип е иновацијата во центарот на Офенбах. Струјата или се црпи од мрежата, или е генерирана од фотоволтаични соларни панели преку двонасочен пренос на енергија, а потоа служи за полнење на електрични возила вклучени во системот. Додека електромобилот е дел од неа, складираната во акумулаторот енергија може да се врати назад за да ја стабилизира мрежата.
– Со инсталирањето на полнач со технологија од нова генерација во нашиот развоен центар во Германија, додаваме иновација кон својот проект наречен Smart Company и фокусиран кон општество со нулта емисија на штетни гасови и мобилноста на иднината, изјави Јерг Ботчер, потпретседател на Honda R & D Европа.
Со помош на двонасочен хардвер и технологијата на The Mobility House, Honda планира да го оптимизира управување со енергија во европскиот развоен центар и особено да ја зголеми употребата на обновливите извори на соларна енергија.
Проектот ја тестира интеракцијата, компатибилноста и погонскиот проток помеѓу специфични електрични компоненти, вклучувајки ги и обновливите енергетски клетки и акумулаторите на електричните возила. Инсталацијата е плод на соработка меѓу Honda R & D Европа, енергетскиот провајдер The Mobility House и швајцарската технолошка компанија EVTEC.
