Lamborghini произведе Huracan со сериски број 10.000
Четири години по почетокот на лансирањето на моделот Huracan, Lamborghini забележа производството на негов претставник со реден број 10.000
Јубилејниот автомобил е од верзијата Huracan Performante во конфигурација Verde Mantis и е наменет за клиент во Канада.
Паралелно со ова производствено достигнување од Lamborghini го истакнуваат и успехот во продажбата од минатата година. Остварувањето изнесува 3.815 единици, од кои 2.642 биле Huracan, што претставува зголемување од 12% во споредба со 2016.
Лансиран на пазарот во 2014 година, Lamborghini Huracan во моментов се нуди во шест основни верзии – Huracan Performante, Performante Spyder, верзии со пренос на две и четири тркала во купе изведбата и во Spyder варијантата, како и двете тркачки изданија, Huracan Super Trofeo и Huracan GT3.
Најновиот засилување во семејството на Huracan – Performante Spyder, беше претставен пред само неколку дена на меѓународниот салон во Женева. Со базна цена од нешто под 220.000 евра, со забрзување од 0 до 100 km/h за 3,1 секунди и максимална брзина на движење од 325 km/h, возилото се претвора во еден од најегзотичните суперспортски автомобили кои можат да се купат на пазарот во моментов.
