Land Rover Classic го претстави Defender V8 Trophy II

Иако Land Rover Defender доби целосно нова генерација во 2019 година, но одделот Classic на британскиот производител штотуку претстави уште една реконструирана верзија на оригиналот инспирирана од експедицијата за 2022 година. Land Rover Classic Defender Works V8 Trophy II е како продолжение на минатогодишниот Works V8 Trophy и ќе се произведува во ограничен број од 25 примероци, при што сопствениците ќе добијат шанса да учествуваат во новиот дел од натпреварот Land Rover Trophy.

Специјалните Defender модели ќе се засноваат на возила направени помеѓу 2012 и 2016 година. Секое од нив ќе биде соголено и одново склопено рачно, што ќе донесе неколку подобрувања. Works V8 Trophy II ќе биде достапен во три различни каросериски стилови. Поконкретно, Land Rover Classic ќе произведе 10 единици од верзијата 90, 10 единици од 110 Station Wagon и пет единици од 110 Double Cab Pick-up.

Визуелно, Trophy II се одликува со камуфлажната обвивка која интегрира 23 локации од минатите теренски авантури на Land Rover и ја карактеризира силуетата на класичниот Defender. Сите 25 единици ќе бидат обоени во Fuji White, во комбинација со Narvik Black покрив, црни акценти, сатенска црна хауба и сет сјајно црни 18-инчни тркала Sawtooth. Моделот добива и ознаки за наследство и еден куп компоненти фокусирани на теренот.

Специјални додатоци и опрема

Дополнителниот комплет вклучува заштитни шипки пред специјално изработената решетка, LED светлосна лента со целосна ширина, багажник на покривот поврзан со надворешниот заштитен кафез и скалата монтирана на задната страна, лизгачи за карпи, штитници за кал и друго. Внатре во кабината се наоѓаат двобојни спортски седишта Recaro, кожен тапацир Виндзор со бели шевови, нов инфозабавен систем на Land Rover Classic и Elliot Brown часовник во соодветниот камуфлиран вкус.

Под хаубата, стариот добар атмосферски 5.0-литарски V8 мотор можеби не е толку моќен како оној во новиот Defender V8, но сепак произведува 405 КС и 515 Nm вртежен момент. Силата се пренесува на сите четири тркала преку осумстепен автоматски менувач ZF. Land Rover Classic исто така ги надгради суспензијата, сопирачките и управувањето, подобрувајќи го управувањето и динамиката на возење на оригиналот.

Land Rover Classic Defender Works V8 Trophy II има цена од 225.000 фунти за каросеријата 90 во Обединетото Кралство, што го прави поскап од неговиот претходник. Сепак, сигурни сме дека сите 25 единици ќе бидат експресно распродадени, бидејќи има многу ентузијасти на Land Rover кои копнеат за ретки одново изградени верзии на класичниот Defender. Сопствениците на специјалното издание ќе бидат поканети да учествуваат на тридневниот натпревар Land Rover Trophy. Таму ќе можат да се натпреваруваат во низа теренски предизвици, со голема награда за победничкиот тим.