Три месеци по светската премиера, Mazda 3 пристигна и кај нас

Премиерно претставена на саемот во Лос Анџелес кон крајот на минатата година, а сега како дел и од салонот на Mazda во Скопје

Целосно новата Mazda 3 претставува почеток на новата ера за овој бренд. Со 6 милиони реализирани примероци од своето деби во 2003 година, овој модел е од стратешко пазарно значење за јапонскиот производител.

Новата Mazda 3 претставува втора генерација на моделот, која сега е достапна како хечбек со пет или седан со четири врати. Подобрена во секој поглед, со многу нови иновативни системи, напредна технологија, како и поквалитетна изработка со подобрени материјали, овој модел доживува целосна еволуција. Секој детал на новата Mazda е дел од целосно новиот дизајн на автомобилот.

Mazda 3

Како дел од стандардната опрема, сите модели добиваат LED предни и задни светла, задни сензори за паркирање, систем за одржување на возилото во лента, а тука е и системот за надзор на „слепата“ точка во ретровизорите.

Во однос на погонските системи, новата генерација на Mazda 3 ќе биде достапна со SKYACTIV-X, SKYACTIV-G и SKYACTIV-D. Претставениот модел доаѓа со SKYACTIV-X и располага со 2.0 бензински мотор со моќност од 180 коњски сили.

За повеќе информации околу овој нов модел може да се обратите во салонот на Mazda во Скопје.

Клучни зборови

Поврзани вести

Back to top button
Close