Минхен 2025: Porsche го претстави 911 Turbo S Hybrid

Porsche официјално ја претстави најновата генерација на легендарниот 911 Turbo S, која за првпат доаѓа со хибриден погон. Со вкупна моќност од 701 КС, новиот модел станува најсилната и најбрза изведба на 911 досега, достапна и како Coupe и Cabriolet.

Хибриден погон и рекордни перформанси

Новата технологија комбинира битурбо боксер со шест цилиндри и електромотор интегриран во менувачот, напојуван од батерија со капацитет од 1,9 kWh. Дополнителните eTurbo полначи овозможуваат моментален одзив и дополнителни 61 КС во споредба со претходната генерација.

Резултатот е забрзување од 0-100 км/ч за само 2,4 секунди, додека 200 км/ч се достигнуваат за 8,4 секунди. Максималната брзина изнесува 320 км/ч. Иако хибридниот систем ја зголеми тежината на автомобилот за околу 82 кг, Porsche уверува дека агилноста и управливоста се значително подобрени.

Рекорд на Нирбургринг

За време на финалните тестирања, прототип на 911 Turbo S Hybrid постави време од 7:03.92 минути на Нирбургринг, што е за 14 секунди побрзо од претходниот модел. Porsche наведува дека електронски контролираната шасија, активната аеродинамика и новите титаниумски издувни компоненти играат клучна улога во постигнувањето на вакви резултати.

Дизајн и ентериер

Визуелно, моделот ја задржува препознатливата силуета на 911, но добива нови аеродинамични решенија – активен преден дифузер, ладици за воздух и прилагодливо заден спојлер. Внатрешноста е освежена со Turbonite акценти, карбонски детали и Race-Tex материјали.

Купувачите ќе можат да изберат двосед верзија кај Coupe или 2+2 конфигурација кај Cabriolet. Преку програмата Porsche Exclusive Manufaktur достапни се бројни персонализации, вклучувајќи и Paint to Sample палета на бои.