Новиот Peugeot 408 со WOW сертификат
Од своето претставување, PEUGEOT 408 преставува еден од најмоќните дизајни на PEUGEOT. Силуета на fastback, што претставува нов концепт на каросерија на пазарот, комбинирајќи динамика, задоволство при возењето и секојдневна удобност. Неговиот спектакуларен стил е особено моќен израз на дизајнот на PEUGEOT.
Новиот PEUGEOT 408 е повеќе од кога било, позициониран на врвот во C-сегментот. Сегмент во кој PEUGEOT нуди особено комплетна и разновидна гама, вклучувајќи hatchback (308), караван (308 SW) и два SUV (3008 и 5008), сите достапни со електрични и електрифицирани погонски склопови.
Новиот PEUGEOT 408 ги крши стандардите. Неговата авангардна модерност е ценета низ целиот свет и продолжува да се докажува како еден од најинтернационалните модели на PEUGEOT.
Новиот PEUGEOT 408 е дизајниран да воодушеви, повеќе од кога било. Моќно се потврдува уникатниот карактер на овој модел “made in Mulhouse”, кој гордо се позиционира како амбасадор на француската харизма и креативност на PEUGEOT низ целиот свет.
ХАРИЗМА ВО ФРАНЦУСКИ СТИЛ СО УНИКАТНА ЕЛЕГАНЦИЈА
Со 408, PEUGEOT прави смел чекор напред и ги поместува границите на стандардите за дизајн. Таа амбиција е потврдена денес со новиот PEUGEOT 408, со неговиот препознатлив дизајн на fastback, дефиниран со остро извајани линии, дополнително засилен со софистицирани детали на предниот и задниот дел од автомобилот.
WOW, сeртифициран!
Ексклузивни светлосни потписи, напред и назад. Предниот дел кај новиот PEUGEOT 408 воведува иновативна и спектакуларна интерпретација на култниот светлосен потпис на PEUGEOT.
Трите препознатливи канџи се изразени преку три фини, коси LED ленти кои исто така служат како индикатори (поврзани по целата ширина на автомобилот со елегантна LED линија, позиционирана над осветлената централна ознака (на GT и GT Exclusive).
На задниот дел, новиот PEUGEOT 408 е првиот модел во гамата што има осветлени букви PEUGEOT, опкружени со сјајно црн украс и беспрекорно интегрирани во проѕирна лента од леќи што се протега низ целата ширина на автомобилот. На двата краја, сите нови модели на PEUGEOT 408 сега го имаат премиум светлосниот потписво форма на три коси LED канџи.
Продорен поглед очи во очи: дизајнерите на PEUGEOT работеа напорно, за да се осигураат дека ништо не го нарушува продорниот поглед на новиот PEUGEOT 408 или спектакуларниот визуелен ефект на неговиот нов преден светлосен потпис. Предните светла се поставени пониско во браникот, подалеку од препознатливите светла. Нивното присуство е дискретно, составено од два ултратенки наредени модули, еден за средно светло (горе), другиот за долго светло (долу). Кога се исклучени, овие модули се речиси невидливи. благодарение на нивната интеграција во сјајно црна влошка.
Предните светла се опремени со PEUGEOT FULL LED технологија кај Allure и Allure Business нивоата на опрема и PEUGEOT Matrix LED технологија кај GT и GT Exclusive нивоата на опрема.
За да се зачува елеганцијата кај новиот PEUGEOT 408, радарот за близина е исто така дискретно скриен зад логото PEUGEOT, целосно невидлив однадвор, а воедно обезбедува безбедност на највисоко ниво.
Редизајниран преден дел за уште поцврст став
Новиот PEUGEOT 408 се одликува со преработена решетка и браник. Подобрени со софистицирано 3D вајање и зголемена употреба на црна боја, комбинирајќи сјајни и мат завршни обработки за елегантен ефект.
Долниот браник има трапезоидна форма што дополнително го нагласува моќниот став и карактер на автомобилот. Овој ефект е оптимизиран со третмани на боите кои комбинираат сјајно црни елементи со делови во боја на каросеријата за непречен премин кон каросеријата.
Потврден шарм
Иновативен дизајн на фелните, потпис на PEUGEOT 408. Продолжувајќи ги револуционерните дизајни на фелните претставени при лансирањето на PEUGEOT 408, hybrid и plug-in hybrid моделитe се достапни со ексклузивни 19-инчни Adakite фелни со геометриски форми што се во контраст со кружната форма на бандажот.Нивните зголемени, дијамантско сјани површини го подобруваат нивното визуелно присуство во рамките на високо обликуваниот профил на автомобилот.
Овие нови 19-инчни фелни се стандардни кај GT нивото на опрема со Hybrid и Plug-in Hybrid мотори (Plug-in Hybrid GT Exclusive, со 20-инчни Monolithe фелни) и се опционални кај Allure и Allure Business нивоата на опрема. Овие нивоа сега имаат сјајно црни 17-инчни алуминиумски фелни како стандард.
Впечатлива нова боја што ги прикажува формите на PEUGEOT 408. Новиот PEUGEOT 408 дебитира со ексклузивна Flare Green боја на каросеријата. Смел и софистициран, овозможува спектакуларни варијации на нијанси во зависност од изложеноста на светлина, поместувајќи се кон светло жолта на сончева светлина и темно зелена во сенка. Овој уникатен ефект го истакнува високо обликуваната каросерија на PEUGEOT 408 со бројните варијации на површината и динамични волумени.
Софистицирана префинетост во секој детаљ.
Нова дигитална инструмент табла со подобрена графика како стандард. И за GT Exclusive и како опција кај GT, дигиталната инструмент табла кај PEUGEOT 408 се одликува со елегантна нова 3D графика за оптимална читливост и зголемено задоволство при возење.
Уште поелегантни материјали.
Впечатокот на квалитет во кабината е зголемен со нови префинети ткаенини за седишта и украси. Во комбинација со топлиот, флуиден дизајн на контролната табла, тие создаваат особено пријатна атмосфера.
Интуитивни, прилагодливи контроли со i-Toggles
Клучните елементи на PEUGEOT i-Cockpit®, пет i-Toggles се прилагодливи кратенки на допир кои овозможуваат брз пристап до омилените поставки за климата, навигација до чести дестинации, телефонски контакти, претпочитани радио станици и друго.
Прилагодливо амбиентално осветлување
Осум бои на амбиентално осветлување, кои се протегаат од контролната табла до панелите на вратите, создаваат мека, елегантна атмосфера прилагодена на индивидуалните вкусови. Ги надополнува перничињата на вратите, завршени со ткаенина, Alcantara® или вистинскиот алуминиум во зависност од нивото на опременост.
ИНСТИНКТИВНО ЗАДОВОЛСТВО ПРИ ВОЗЕЊЕ
PEUGEOT го сфаќа задоволството при возење сериозно, а оваа страст е вградена во DNK на новиот PEUGEOT 408. Неговата уникатна архитектура, мачкест став, PEUGEOT i-Cockpit® и моќните мотори се дизајнирани да ги максимизираат сензациите.
Подигната возачка позиција, динамичко управување.
Новиот PEUGEOT 408 комбинира повисока возачка позиција за совршена видливост на патот со елегантен, спортски профил. Неговата ограничена висина од 1,48 m обезбедува извонредна динамичка рамнотежа.
Реномираната извонредност во управувањето на PEUGEOT е засилена со проширени патеки (1,59 m напред, 1,60 m назад), давајќи му на новиот PEUGEOT 408 цврсто држење на патот. Задоволството при возење се доживива и во урбаните средини: со радиус на свртување од раб до раб од 11,20 m, новиот PEUGEOT 408 е агилен и лесен за маневрирање.
PEUGEOT i-Cockpit®: Клучен елемент на задоволството при возење
PEUGEOT i-Cockpit®, белег за задоволство при возење, ја покажува својата исклучителна ергономија кај новиот PEUGEOT 408, дизајниран целосно околу возачот.
Компактниот управувач го подобрува динамичкото чувство и агилноста на новиот PEUGEOT 408. Ергономски и опционала функција за греење, тој интегрира контроли за мултимедијалниот систем (радио, телефон) и разни функции за помош на возачот.
Новиот PEUGEOT 408 има 10-инчен дигитална инструмент табла поставена во висина на погледот на возачот за извонредна читливост, со прилагодлива графика и повеќе режими на гледање, вклучувајќи навигација, медиуми, системи за помош про возење и проток на енергија. Како дополнување, централниот 10-инчен екран на допир е поставен малку пониско и под агол кон возачот за лесен пристап, а воедно останува удобен за совозачот на предното седиште.
Eлектричен или електрифициран: комплетна гама на погонски единици
Чисто електрично искуство со новиот PEUGEOT E-408
Со својот моќен електричен мотор, PEUGEOT E-408 испорачува 213 КС (157 kW) и 343 Nm вртежен момент.
Надвор од перформансите, ефикасноста е клучен елемент во дизајнот и развојот на новиот PEUGEOT E-408. Аеродинамиката е прецизно усовршена, и каросеријата и подвозјето, што резултира со низок коефициент на отпор (SCx: 0,66). Ова придонесува за ниска потрошувачка на електрична енергија до само 14,7 kWh/100 km. Во комбинација со високонапонска NMC* батерија што овозможува 58,2 kWh употреблив капацитет, постигнува опсег од 456 km (комбиниран циклус WLTP).
Ова обезбедува опсег што ги задоволува потребите на повеќето клиенти од C-сегментот, кои возат во просек 45 km на ден, според индустриските истражувања.Подеднакво е способен да истражува подалечни дестинации, кога е потребно.
Вградениот полнач на PEUGEOT E-408 поддржува до 120 kW, овозможувајќи полнење на батеријата од 20% до 80% за само околу 30 минути.
*Состав на батеријата: 80% никел, 10% манган, 10% кобалт.
Разновидност на Plug-In Hybrid: PEUGEOT 408 PLUG-IN HYBRID 240 e-DCS7
Погонскиот склоп, ексклузивен за новиот PEUGEOT 408 во рамките на гамата на PEUGEOT, комбинира бензински мотор од 180 КС (132 kW) со електричен мотор од 92 kW, поврзан со 7-степен менувач со двојна спојка e-DCS7.
Совршен за секојдневни патувања благодарение на својот електричен опсег за град од 85 km, новиот PEUGEOT 408 PLUG-IN HYBRID 240 e-DCS7 исто така овозможува перформанси и разновидност со своите комбинирани 240 km (177 Kw), за подолги патувања. Литиум-јонската батерија од 14,6 kWh може целосно да се наполни за 2 часа и 5 минути со помош на ѕиден полнач од 7,4 kW (32 A) и опционалниот еднофазен полнач од 7,4 kW.
Непречено хибридно возење: PEUGEOT 408 HYBRID 145 e-DCS6
PEUGEOT 408 Hybrid комбинира бензински мотор од 145 КС (107 kW) со 6-степен електрифициран автоматски менувач со двојна спојка. Батеријата се полни автоматски за време на возењето, обезбедувајќи дополнителен вртежен момент за динамичко забрзување, а воедно одржувајќи ефикасна потрошувачка на гориво (5,0 l/100 km WLTP комбиниран циклус). Во урбани услови, PEUGEOT 408 HYBRID 145 e-DCS6 може да работи во 100% електричен режим со нулта емисија до 50% од времето на возење.
Удобност за патниците од ниво на лимузина
Новиот PEUGEOT 408 има високо потпорни предни седишта кои ја добија ознаката AGR (Aktion für Gesunder Rücken), доделена од независно германско здружение на експерти за ергономија и здравје на грбот. Оваа сертификација го признава и ергономскиот дизајн и широкиот опсег на прилагодување на предните седишта.
Опциите вклучуваат:
- 10-насочно електрично прилагодување со две мемориски поставки за возачот
- 6-way adjustment for the passenger 6-насочно прилагодување на совозачкото седиште
- 8-џебен пневматски систем за масажа со 8 различни програми
- Греење на перничињата на седишта во зависност од нивото на опрема
Дизајнот на седиштата го покажува квалитетот на употребените материјали, вклучувајќи нови ткаенини, опционална Alcantara® (стандардна кај GT Exclusive) и опционална Nappa кожа кај GT Exclusive. GT и GT Exclusive нивоата на опрема се одликуваат со препознатливо порабување Adamite, кои исто така ја нагласува контролната табла, панелите на вратите со GT Exclusive со додавање на меки перничиња на конзолата.
Дизајнот на задните седишта и аголот на перничињата обезбедуваат оптимална удобност, дозволувајќи им на патниците целосно да уживаат во обемниот понуден простор, со централен потпирач за раце и отвор за скии како стандард.
Водечки внатрешен простор
Благодарение на долгото меѓуоскино растојание од 2,79 m, новиот PEUGEOT 408 овозможува исклучителен простор за патниците на задните седишта. Најпространиот модел на PEUGEOT за патниците на задните седишта овозможува простор до 183 mm за колената, а и благодарение на просторот за нозете под предните седишта, кој е дизајниран да ја максимизира слободата на движење.
Багажникот е импресивно простран, овозможувајќи до 536 литри волумен. Со преклопена задна клупа што се дели 60/40, капацитетот на багажникот достигнува 1.611 литри. Можете да товарите предмети со должина до 1,89 m.
Премиум карактеристики за удобност од прва класа
Цврсто позициониран на врвот во C-сегментот, новиот PEUGEOT 408 омозвожува бројни карактеристики за да го зголеми уживањето при патување.
За да се одржи здрава средина во кабината, PEUGEOT 408 oвозможува AQS (Систем за квалитет на воздух) и Clean Cabin. И двата се стандардни кај GT Exclusive и како опција кај GT. Системот AQS континуирано го следи влезниот воздух и може автоматски да ја активира рециркулацијата на воздухот. Clean Cabin овозможува додаток на систем за третман на воздух кој филтрира загадувачи и честички, а квалитетот на воздухот се прикажува на централниот екран на допир.
Контролата за климата, исто така, придонесува за удобноста на патниците, со високо поставени предни отвори за воздух и два задни отвори лоцирани на задниот дел од централната конзола.
Термичката и акустичната удобност се дополнително подобрени со напредна технологија за застаклување. Предните и задните прозорци се подебели од просекот (3,85 mm), а предните странични прозорци се ламинирани (3,96 mm кај GT и GT Exclusive) за подобрена звучна изолација и дополнителна безбедност. Опционалниот стаклен подвижен покрив што се отвора овозможува дополнителна светлина во кабината.
Hi-Fi Premium Sound од FOCAL®
Hi-Fi Premium FOCAL® системот кај PEUGEOT 408 е резултат на повеќе од три години заедничка соработка со врвниот специјалист за аудио, долгогодишен партнер на PEUGEOT. Збогатен со дигитална обработка на звук ARKAMYS, системот вклучува 10 патентирани високотехнолошки звучници, високотонци од TNF алуминиум со инвертирана купола. 4 вуфери/средни тонови од полиглас од 165 mm со суспензија TMD (Tuned Mass Damper). Централен канал од полиглас. 1 сабвуфер Power Flower™ со тројна намотка. Сите напојувани од нов 12-канален засилувач од класа D од 690 W.
Подобрена безбедност на возачот
За да се подобри безбедноста на возачот, новиот PEUGEOT 408 е опремен со камера за следење на возачот како стандард. Овој систем користи камера сместена на столбот на ветробранското стакло од страната на возачот за да ја следи будноста и состојбата на возачот. Се создава визуелно и звучно предупредување доколку системот детектира абнормална состојба, како што е замор.
ОДРЖЛИВ ДИЗАЈН, ГАРАНТИРАНО СПОКОЈСТВО
Потврден квалитет
Нови ткаенини и премиум материјали. Седиштата и украсните елементи на новиот PEUGEOT 408 се одликуваат со висококвалитетни нови ткаенини. Кај повисоките украсни елементи, перцепираниот квалитет во кабината е дополнително подобрен со употреба на премиум материјали како што се вистински алуминиум (стандарден кај GT Exclusive и опционален кај GT), Alcantara® (опционален кај GT, стандарден кај GT Exclusive) и Nappa кожа (опционален кај GT Exclusive).
Беспрекорно внимание на деталите. PEUGEOT не оставил ниту еден детаљ недопрен, потврдуврдено со позиционирањето на горниот дел од новиот PEUGEOT 408. Од елегантните порабувања на седиштата до новите монограми на праговите на вратите на PEUGEOT и GT ознаките на управувачот, комбинирајќи суптилност со софистицираност.
Робутсна заштита во стил на SUV. Страничните штитници на каросеријата и лаковите на тркалата се протегаат во цврст црн заден браник, ефикасно заштитувајќи ја каросеријата од секојдневните удари.
Made in France (Направен во Франција). Новиот PEUGEOT 408 е произведен во фабриката во Mulhouse, што ја покажува посветеноста на PEUGEOT кон француската извонредност во производството. Електричниот погонски склоп, сместен кај PEUGEOT E-408, исто така се произведува во Франција, во Trémery од страна на заедничкото вложување STELLANTIS-NIDEC, а неговиот менувач се произведува во Valenciennes од страна на STELLANTIS.
Целосно спокојство со екосистемот за услуги на PEUGEOT
Ажурирање over-the-air. новиот PEUGEOT 408 добива далечински ажурирања на софтверот, овозможувајќи им на корисниците да имаат продобивки од најновите достигнувања без да посетуваат салон.
Инфозабавен систем и најнова генерација на поврзани услуги.
Allure нивото на опременост стандардно доаѓа со PEUGEOT i‑Connect®, кој овозможува безжични Apple CarPlay™ и Android Auto™, плус пакетот PEUGEOT CONNECT ONE* со функции за безбедност и спокојство, како што се известувања за статусот на возилото, потсетници за сервис и далечински пристап преку апликацијата MyPEUGEOT. Купувачите можат да уживаат и во пакетот CONNECT PLUS**, кој додава Планер за патувања и подобрени далечински контроли.
Business, GT и GT Exclusive нивоата на опременост го вклучуваат PEUGEOT i‑Connect® Advanced со TomTom Connected Navigation, интеграција со ChatGPT AI, лоцирање на возилото и друго.
* Вклучено 10 години.
** Вклучено 6 месеци како период на откривање.
Апликацијата MyPEUGEOT: останете поврзани со Вашиот PEUGEOT 408 (во зависност од државата)
Апликацијата за паметни телефони MyPEUGEOT овозможува на корисцниците трајно поврзување со нивното возило, овозможувајќи:
- Известувања за одржување, резервација на сервис и следење на историјата *
- Услуги за локација на возилото **
- Далечинско заклучување, активирање на светла или сирена **
- Претходно поставување на температурата во возилото за удобност и оптимизација на батеријата*
- Паметно управување со полнењето за заштеда на време и енергија*
* Достапно со пакетот PEUGEOT CONNECT ONE
** Достапно со пакетот PEUGEOT CONNECT PLUS
Целосно и оптимизирано електрично искуство (во зависност од државата)
За да се обезбеди спокојство, PEUGEOT нуди Планер за патувања кај новиот PEUGEOT E-408. Интегриран во поврзаниот систем за навигација и услугите PEUGEOT CONNECT PLUS и работејќи во комбинација со претходното поставување на батеријата, тој планира рути за да го максимизира опсегот и да го поедностави полнењето. Ја пресметува идеалната рута врз основа на растојанието, нивото на наполнетост на батеријата при поаѓање и посакуваното ниво при пристигнување, достапните станици за полнење во близина на дестинацијата и предвидената потрошувачка на енергија (врз основа на брзината, сообраќајот, видот на пат, надморската височина итн.).
Новата функција „ограничување на полнење од 80%“ (80% charge limit), достапна за полнење со AC, им овозможува на корисниците да ги прилагодат нивоата на полнење на нивната дневна употреба.
Новиот PEUGEOT E-408 има придобивки од новата функција за претходна припрема на батеријата. Ова овозможува батеријата да се доведе до оптимална температура за полнење, особено во ладно време. Контролата на централниот екран на допир овозможува активирање на претходното подготување на батеријата, а кај GT нивото на опрема, навигацискиот систем автоматски ќе го активира претходното поставување на батеријата кога се приближува до станицата за полнење предложена од Планерот за патувања.
Јавното полнење е поедноставено со новата функција „Plug & Charge“: станицата за полнење автоматски го препознава автомобилот кога кабелот е поврзан, нема потреба од значка, апликација или банкарска картичка. Цената на електричната енергија се зема директно од сметката на корисникот. Сите трансакции се видливи на централниот екран или преку апликацијата Free2Move Charge. Оваа функција е веќе достапна на над 15.000 места за полнење низ Европа, главно на главните патишта, и е на пат да се шири брзо.
Новиот PEUGEOT E-408 е претходно опремен со функцијата V2L (Vehicle-to-Load), што им овозможува на корисниците да напојуваат надворешни уреди преку високонапонската батерија на автомобилот, на пример, полнење на електричен велосипед или вклучување на преносно осветлување. Системот испорачува до 3,5 kW и 16 A. Адаптерот е достапен како дополнителна опрема кај дилерите на PEUGEOT.
^ Достапно почнувајќи од самото производство во лето 2026 година, како дел од понудата Connect ONE.
Гаранции (во завсисност од државата)
Како и сите електрични, hybrid и бензински возила на PEUGEOT**,и патнички и комерцијални, новиот PEUGEOT 408 има корист од PEUGEOT CARE:
- Гаранција за возило до 8 години / 160.000 km
Гаранција за батерија до 8 години / 160.000 km кај PEUGEOT E-408
