Новиот Volvo EX90 Excellence е врвот на шведскиот луксуз
Volvo на Салонот за автомобили во Шангај го претстави новиот предводник во поставата на EX90 кој го носи името Excellence
Претставен на Саемот за автомобили во Шангај, новиот EX90 Excellence ќе седи на врвот на гамата на Volvo и ќе го однесе „премиум искуството на следното ниво“. Иако најголемите промени се направени во ентериерот, предводникот се издвојува од остатокот благодарение на двобојниот финиш и уникатните тркала од 22 инчи кои се карактеризираат со привлечен дизајн.
Се разбира, надворешноста е во втор план бидејќи кај Volvo EX90 Excellence акцентот е ставен на задниот патнички простор. Конкретно, Volvo го опиша кросоверот како „совршен придружник ако претпочитате да се опуштите на задните седишта наместо да возите сами“.
Моделот пристигнува со две индивидуални задни седишта, кои го заменуваат традиционалниот втор и трет ред. Седиштата се одделени со елегантна централна конзола, која има дрвена горна плоча која се отвора и под неа се крие фрижидер.
Подолу има уште еден дрвен дел, кој има интегрирана табла на допир што овозможува лесен пристап до поставките за греење и масажа на седиштата. Патниците ќе најдат и голем кристал Orrefors кој делува како прекинувач за контрола на дозерот за мириси. Истиот испушта три различни мириси и „сензорното искуство се засилува со соодветно осветлување на расположението“.
Клиентите можат да избираат помеѓу волнениот или Nordico тапацир. Иако волната изгледа одлично, Volvo нагласува дека тапацирот на Nordico е еколошки бидејќи е „создаден од текстил направен од рециклиран материјал како што се РЕТ шишиња и био-припишан материјал од шумите во Шведска и Финска“.
За почеток само во Кина
Главните карактеристики се заокружуваат со наменските контроли за климатизација и меките перници кои помагаат за зацврстување на вратот. Во предниот дел од ентериерот се наоѓа и 14,5-инчен инфозабавен систем.
Volvo не објави премногу други детали, но потврди дека кросоверот има систем со погон на сите тркала со двоен мотор и опсег до 650 километри. Компанијата додаде и дека EX90 Excellence е „најбезбедниот модел со четири седишта што некогаш сме го направиле“, бидејќи има „невидлив штит за безбедност овозможен со нашата најнова технологија за сензори“.
EX90 Excellence ќе биде лансиран во Кина и ќе ја задоволи потребата за „автомобили од висока класа, управувани со шофер“. Моделот ќе биде понуден и на други пазари, но засега нема детали околу сето тоа.
