Освежената Vitara во салоните на Suzuki

Актуелната генерација на Vitara доби и свое мало освежување, а најголем новитет претставуваат токму новите погонски единици

По четири успешни години на пазарот, јапонскиот производител реши да го освежи и надгради својот актуелен SUV модел со голем број на естетски и технолошки подобрувања.

Во однос на надворешниот изглед, новата Vitara ни доаѓа со мали каросериски дотерувања, како ажурирана предната решетка, алуминиумски тркала со нов дизајн, нови LED задни светла и дополнување на палетата со нови две бои. Ентериерот е подобрен во однос на материјалот од кој е изработена централната табла, а тука е и новиот колор дисплеј поставен во централниот панел.

Најважната иновација за редизајнираната Suzuki Vitara се двете нови единици, односно 1.0 и 1.4 литарските турбо бензински мотори, каде првиот доаѓа со моќност од 112 коњски сили, додека вториот испорачува моќност од 140 коњски сили. И кај двете погонски единици достапен и изборот помеѓу пет степен рачен и шест степен автоматски менувач, како и опцијата за погон на предните или на сите четири тркала.

Што се однесува до пакетите на опременост, освежената Vitara ни доаѓа со неколку нивоа на опременост, како GL, GL Plus и GLX пакети. Како дел од основниот GL пакет се старт/стоп системот, LED задните светла, системот за помош при поаѓање на нагорнина, 16-инчните алуминиумски фелни и DRL дневните светла.

Цените на Vitara во зависност од изборот на опремниот пакет и моторот, се движат од 14.980 до 25.970 евра. Изложениот модел е опремен со GL Plus пакетот и 1,4 литарскиот DITC мотор со моќност од 140 коњски сили и погон на сите тркала, при што е со цена од 18.390 евра.

За повеќе информации околу овој модел може да се обратите во салонот на Suzuki во Скопје, или да ја посетите нивната веб страна www.mirkat.mk

Клучни зборови

Поврзани вести

Back to top button
Close