Почеток на крајот за ерата на фосилни горива
Зголемените инвестиции во зелена енергија, брзото прифаќање на електрични возила и забавувањето на инвестициите во јаглен од страна Кина може да значат дека побарувачката за фосилни горива ќе достигне врв во оваа деценија
Благодарение на напредокот во производството на зелена енергија и порастот на електричните возила, побарувачката за нафта, гас и јаглен ќе опадне пред 2030 година, според новите проекции на Меѓународната агенција за енергија (IEA).
Телото, кое е финансирано од Организацијата за економска соработка и развој, претходно предвиде дека производството на индустријата за фосилни горива ќе го достигне врвот во 2030 година, но сега тој термин е поместен наназад како резултат на владините напори и глобалните настани, според директорот IEA Фатих Бирол.
„Само врз основа на денешните поставки на политиките на владите ширум светот – дури и без какви било нови климатски политики – побарувачката за секое од трите фосилни горива ќе го достигне врвот во наредните години“, напиша Бирол во авторски текст за Financial Times. „Ова е првпат максимумот на побарувачката да биде видлив за секое гориво оваа деценија – порано отколку што очекуваа многу луѓе.
Тој тврди дека порастот на енергијата од ветер и сончева енергија, пресушувањето на инвестициите за јаглен од Кина во обновливи извори и нуклеарна енергија и порастот на електричните возила низ светот (од автомобили до скутери), сите укажуваат на врв кој брзо се приближува во побарувачка за фосилни горива.
Дополнително, руската интервенција во Украина поттикна многу европски сили да инвестираат во алтернативни извори на енергија, вклучително и обновливи извори. Сето тоа сугерира дека крајот на „Златното доба на гасот“ се ближи и дека инвестициите во фосилни горива треба да се забават.
Глобалното затоплување се уште е закана
Сепак, Бирол предупредува дека ваквиот развој на настаните не значи крај на глобалното затоплување. Дури и според оптимистичката перспектива на IEA, постоечката политика нема да го ограничи глобалното затоплување на 1,5 °C, што многумина го сметаат за клучна мерка за избегнување на најлошите влијанија од климатските промени.
Иако IEA прифаќа дека некои континуирани инвестиции во фосилни горива ќе бидат неопходни во наредните години за да се одржи енергетската безбедност, таа верува дека нејзините проекции треба да бидат предупредување за инвеститорите ширум светот.
„Врвовите на побарувачката што ги гледаме врз основа на денешните поставки на политиката не ја отстрануваат потребата за инвестиции во снабдувањето со нафта и гас, бидејќи природниот пад од постојните полиња може да биде многу голем“, рече Бирол. „Истовремено, тие ги намалија повиците од некои страни да се зголемат трошоците и да се подвлечат економските и финансиските ризици од големите нови проекти за нафта и гас, покрај нивните очигледни ризици за климата“.
