SEAT слави 25 години на својата фабрика во Марторел

По инвестиција во износ од околу 1.47 милијарди евра, објектот беше отворено во 1993 година и до сега таму се склопени речиси 10.000.000 претставници на 39 модели и модификации. Во моментов, секој ден во фабриката во Марторел на SEAT се произведуваат околу 2.300 автомобили, што е еквивалентно на околу 95% од капацитетот на комплексот. Изминатата година, бројот на склопени автомобили бил 455.000 единици, што е повеќе за 50% од остварувањето во 2009 година.

-Марторел е синоним за напредок и развој, рече Лука де Мео, претседател на шпанскиот бренд. -Фабриката е нашиот производствен предводник и многу сме среќни што прославуваме 25 години од неговото лансирање.

Производството во Марторел започна со втората генерација на Ibiza и Cordoba, со нивно секојдневно производство на 1.500 возила. Со текот на годините, на склопување низ лентите минале модели како Toledo, Inca, Altea, Ibiza, Leon, Arosa и Arona, како и претставници на други брендови, Volkswagen Polo и Caddy и Audi Q3. Во втората половина од оваа година и новиот Audi A1 ќе започне со производство.