Suzuki го освежи изгледот на Ignis за европскиот пазар

Откако пред еден месец Suzuki го претстави освежениот Ignis за јапонскиот пазар, овој производител сега го прикажа и рестилизираниот Ignis за Европа. Suzuki Ignis е присутен на европскиот пазар уште од 2016 година, поради што во јапонската компанија сфатија дека е време за некои промени на овој модел, иако истите не стака лесно воочливи. Променети се предниот и задниот браник на автомобилот, а една од поголемите разлики во однос на актуелниот модел е поинаквата решетка на предниот дел од возилото по примерот на Suzuki S-Presso.

Освен промената на предниот дел, која е најочигледна, на автомобилот се истакнуваат и нешто поробусните браници, црните прагови и лаковите од браниците за кал, како и сребрените покривни носачи. Кога станува збор за внатрешноста, овој процес на освежување на изгледот донесе понуда за нови комбинации на бои, но исто така променет е и изгледот на инструменталната табла.

Поголемите промени се случија под хаубата. Имено, Suzuki го унапреди 1,2-литарскиот бензински мотор, со што сега од редовите на јапонскиот производител тврдат дека развојот на моќта е полинеарен, како и дека реакцијата на папучата за гас е подобра. Покрај ова, истакнуваат дека нивниот агрегат сега ќе биде поекономичен во однос на она што беше досега.

Од Suzuki исто така истакнаа дека и благиот хибриден систем сега е „подобар“, односно дека е во состојба да рекуперира повеќе енергија. Освен тоа, во понудата како опција се нуди и CVT менувачот за кој претставниците на јапонската компанија истакнуваат дека пружа одлични перформанси во урбаната експлоатација, како и дека нуди поголема ефикасност кога станува збор за употребата на отворен пат.

Освежениот Suzuki Ignis во продажните салони ширум Европа ќе се најде веќе на пролет, а првата земја каде ќе пристигне овој модел е Велика Британија, по што ќе се пресели и во континентална Европа.