Технологијата на Huawei ќе се најде во 15 милиони возила
И покрај санкциите на САД, Huawei останува релевантен и заработува приход благодарение на патентите и договорите со автомобилските компании
Huawei, кинескиот технолошки гигант и производител на електроника, кој во САД се најде во фокусот на вниманието поради неколку прекршувања на сајбер безбедноста и обвинувања за шпионажа, е подготвен да собира пари од производителите на автомобили кои сакаат да ја лиценцираат нивната технологија.
Mercedes-Benz, Audi, BMW, Porsche, Subaru, Renault, Lamborghini и Bentley, наводно, потпишале договори со Huawei за технолошки патенти. Huawei проценува дека неговата технологија сега ќе биде присутна во 15 милиони од 70 милиони автомобили произведени на глобално ниво.
Huawei сè уште се бори со американските санкции кои влијаеја на нивниот бизнис со паметни телефони и развојот на полупроводници. Зделките со други компании за лиценцирање патенти не само што му помагаат на Huawei да ги генерира потребните приходи, туку и овозможуваат на фирмата да продолжи да се занимава со странски субјекти и пазари – вклучувајќи ги и американските.
Иако извозните контроли забрануваат Нuawei да работи со неколку светски добавувачи, нивните патенти не подлежат на такви ограничувања. Зборувајќи за Nikkei Asia, Алан Фан, глобален шеф на Одделот за интелектуална сопственост на Huawei, рече: „Исто така, имаме зделки со американски компании за вкрстени договори за лиценцирање и [контролите на извозот] воопшто не се фактор“.
Навистина, производителите на автомобили не се единствените кои склучуваат договори со Huawei. Технолошката компанија потпиша 20 нови или продолжени патенти во 2022 година, покривајќи технологии за паметни телефони, поврзани возила и IoT.
Huawei продолжува со развојот на сопствените автомобилски операции
Во меѓувреме, Нuawei продолжува да ги проширува сопствените автомобилски операции, при што заедничкото вложување на компанијата Avatr со производителот на батерии CATL им нуди на кинеските потрошувачи модели како што е 11. Технологијата на Huawei е присутна и во други домашни возила, додека нивниот оддел за автономно возење се вели дека прави одлични чекори кон технологијата на самоуправувачки возила.
На прашањето за коментар за темата од Nikkei Asia, портпаролот на Audi рече дека производителот на автомобили „ја почитува интелектуалната сопственост на трети страни и е подготвен да земе лиценци доколку таквите лиценци се неопходни и достапни за усогласување со законот“.
