Tesla Model 3 ја „растури“ конкуренцијата

Според изданието Insideevs, во изминатиот месец продажбата на Tesla Model 3 во САД изнесувала 13.000 единици, што ја надминува вкупната бројка на продадени зад Океанот примероци од моделите Mercedes-Benz C- класа, Audi A4, BMW 3 и Lexus IS (за месец јули во САД -12.500 продадени возила). Според истата статистика, нема и американски производител со слични по големина и класа автомобили, кој успеал да продаде повеќе автомобили минатиот месец.

Што се однесува до реалните конкуренти, односно електрични, главните играчи на американскиот пазар, Chevrolet Bolt EV и Nissan Leaf, имаат слаби остварувања. Во текот на изминатиот месец, нивната вкупна продажба изнесуваше 2.000 единици.