На повидок ли е нов кросовер на Toyota
Иако во јапонскиот концерн негираат дека упорно работат на развој на нов концепт на кросовер, серијалот од новини во текот на годината на најголемите светски салони ги демантира сите отфрлања и го тврди спротивното
Toyota продолжува да се потпира на нови концептни кросовери, откако моделот C-HR е добро примен на глобалните пазари. На автосалонот во Њујорк, во април Јапонците го претставија авантуристичкиот коцепт Toyota FT-4X, а во октомври во Токио – Toyota Tj Cruiser, кој е нешто помеѓу кросовер и миниван.
На последното годишно големо шоу, пред публика дебитираше Toyota FT-AC, кој е создаден од Калифорниското студио на брендот -Calty Design. Неговата кратенка се дешифрира како Future Toyota Adventure Concept, а светло-зелената боја јасно покажува дека овој модел навистина е подготвен за авантури. Компанијата потврди дека кросоверот е опремен со бензински мотор, систем за погон на четири тркала и електронски систем за контрола на ветерот.
Тоyota вели дека автомобилот исто така може да добие хибридна моќна единица од следната генерација.
Фактот дека ова е само концептен модел овозможува додавање на невообичаена опрема. На пример, во светлата за магла се вградени инфрацрвени камери кои можат да испраќаат потребна снимка не само во возилото, туку и на други места. Постои интернет пристапна точка каде што сликите можат да бидат поставени на посебен облак, каде што сега можат да се уредуваат.
Toyota FT-AC е изграден на модуларната платформа TNGA-C, која значи попречно располагање на моторот, предно потпирање McPherson и мултилинк задна суспензија. Компанијата вели дека тоа е само студија, без планови за негово пуштање во сериска изведба, но така беше со сите негови претходници, кои нема сомневање ако се направи детална анализа наликуват по малку еден на друг.
