Volvo создаде прв еколошки неутрален погон

Од стартот на оваа година фабриката за мотори во градот Шовде користи електрична енергија и греење целосно од обновливи извори.

Ова е првиот погон со ваков статус на Volvo. Стратегијата на компанијата, која е во сопственост на кинескиот гигант Geely, е сите нејзини производни центри да се со нулта емисија до 2025 година. Фабриките веќе одамна работат само на струја од обновливи извори, но овој овде прв успеа да помине и кон еколошко греење. Тоа се обезбедува од согорувањето на биомаса, биогорива и отпад.

-Зголемувањето на енергетската ефикасност е врвен приоритет за нас и затоа се стремиме да добиеме енергија која ни е потребна во работата, од обновливи извори, коментира Хавиер Варела, постар заменик претседател на производството.