Женева 2018: Заемната урбана мобилност според Renault
Светска премиера на штандот на Renault на салонот во Женева забележува целосно новата концептна креација EZ-GO, со помош на која од француската компанија ни го предочуваат своето видување за евентуалноата иднина на заемната и автономна градска мобилност
Уникатно од ваков вид, Renault EZ-GO, претставува роботско решение за мобилност во бурното градско секојдневие, а услугата може да биде користена како од фиксна, така и од мобилна гледна точка, односно во вториот случај возилото само пристигнува на посочените координати. Renault EZ-GO, кој е прв од неколку нови концептни креации, кои француската марка ќе претстави оваа година, е со главен фокус на услугите за мобилност. Другите изведби треба да бидат изненадување!?
Слично на футуристичкиот SYMBIOZ од минатата година, Renault EZ-GO е опремен со систем за автономија од Ниво 4.
