Кинески BYD е број 1 трета година во светот на електрични возила!
Ако запрашате некого, кој производител продаде најмногу електромобили минатата година, секако меѓу одговорите ќе бидат споменати Tesla, Nissan или Chevrolet, но вистинскиот одговор е - кинеската компанија BYD, која е и еден од најголемите светски производители и на електрични батерии
Името на оваа кинеска компанија, кратенката BYD, доаѓа од Build Your Dreams (изградете ги вашите соништа) и е доста уникатно дури и за Кина, а еден од најзначајните факти за неа е дека е сосема приватно и без вообичаено учество во државата или општината. BYD е исто така многу успешен во производството и продажбата на електрични автобуси, а во блиска иднина планира да произведува и големи комерцијални возила.
Компанијата има голем инвеститор – милијардерот Ворен Бафет, кој е сопственик на 10 отсто од акциите, од октомври 2008 година. Податоците за продажбата на компанијата за изминатата година се наоѓаат во извештајот на пазарот на Кинеската асоцијација за лесни возила и се објавени од страна на Gasgoo China Automotive News овој месец.
BYD е лидер на локалниот пазар во т.н. сегмент- New Energy Vehicles (нови енергетски возила), каде се реализирани 113.669 единици, вклучувајки електрични и хибриди.
Бројката вклучува 4.700 електрични возила марка Denza, кои BYD ги прави во своето заедничко вложување со Mercedes-Benz. Брендот има продажба во неколку други земји, но најголемиот дел од своето производство се реализира, се разбира, во Кина. Сите нејзини електрични возила, исто така, можат да „добијат забрана за движење“ на автопатиштата, бидејки владата на Кина планира да ја прекине својата поддршка за електрични автомобили, кои не можат да кренат брзина над 100 km/h.
Втората позиција во рангирањето е за BAIC со 103.199 продажби, но многу од нејзините модели ќе мора да се подложат на модернизација за да се исполнат ограничувањата наметнати од владата. На третата позиција е за компанијата од Силиконската долина – Tesla со 103.122 пласирани возила. Четвртото место е за BMW со 97.057 единици, од кои повеќето се класични, а мал дел plug-in хибриди. Chevrolet доаѓа со многу понизок резултат од 54.308 возила, поттикнати од продажбата на целосно електричниот Bolt EV и хибридниот Volt. Nissan, Toyota, Roewe (SAIC), Volkswagen и Zhidou ги затвораат првите десет во продажбата на електрични и хибридни возила во светот.
