Женева 2018: Alfa Romeo ги одбележува рекордите на Нирбургринг

Автомобилите доаѓаат во ограничена серија со името NRING, која ќе вклучува точно 108 парчиња од секој модел. Бројот не е избран случајно, бидејки токму толку години поминаа од создавањето на италијанскиот производител.

Машините се обоени во посебна боја Circuito Gray и секоја од нив ќе добие плочка со сериски број. Во стандардната опрема се вклучени карбон-керамички сопирачки, спортски седишта Recaro со карбон, менувач од Mopar, како и кожа и алкантара и карбон елементи во ентериерот. Освен тоа автомобилите од серијата NRING ќе добијат адаптивен круз-контрол, аудио Harman / Kardon, мултимедија со 8,8-инчен екран, со Apple CarPlay и Android Auto. На седанот Giulia, исто така, има и карбонски покрив.

Alfa Romeo Stelvio и Giulia Quadrifoglio се опремени со 2.9-литарски V6 мотор со моќност од 510 КС и 600 Nm. Моторот работи во комбинација со 8-брзински автоматски менувач. Исто така постои и адаптивна суспензија, систем за дистрибуција на гас помеѓу задните тркала и 5 режими на контрола на електрониката.

Двата модели поставија рекорди на Nurburgring за сериски SUV и седан. Alfa Romeo Stelvio Quadrifoglio ја мина трасата за 7 минути и 51,7 секунди, што е подобро за 7 секунди од постигнувањето на претходниот рекордер Porsche Cayenne Turbo S од 2015 година. Притоа кросоверот се покажа побрз од BMW. Седанот Alfa Romeo Giulia Quadrifoglio имаше време 7 минути и 32 секунди, што е исто 7 секунди побрзо од она на Porsche Panamera Turbo со 550 КС. На најдолгата линија на патеката – Dottinger Hohe, италијанскиот седан разви 284 km/h.