Lancia го претстави Ypsilon HF со 280 КС и рели тематика
Lancia Ypsilon HF дебитира со 276 КС, рели дизајн, засилено подвозје и е најмоќниот и најскапиот Ypsilon досега
По повеќе од една година од дигиталната премиера, Lancia Ypsilon HF конечно го направи своето деби на асфалтот, претставен на тест-патеката во Балочо, Италија. Ова е најбрзиот, најмоќниот и најскапиот Ypsilon досега, целосно електричен хот хеч со спортска геометрија и ретро-рели дизајн.
276 КС и забрзување до 100 за 5,6 секунди
Новиот Ypsilon HF користи електромотор со 280 КС и 345 Nm вртежен момент. Со помош на Torsen диференцијал на предната оска, забрзува од 0 до 100 км/ч за 5,6 секунди, додека максималната брзина е лимитирана на 180 км/ч. Батеријата од 54 kWh нуди домет до 370 километри според WLTP.
Подвозјето е засилено, со пониско тежиште за 20 милиметри, поширока трага (+30 мм) и ревидирана суспензија. Сопирањето е унапредено со Aclon систем со четири-клипни моноблок шапи и 355 мм дискови напред.
Дизајн инспириран од Fulvia и Stratos
Однадвор, Ypsilon HF се издвојува со агресивен body kit, 18-инчни тркала, проширени крила и спортски браници со поголеми отвори за воздух. Карактеристичната HF значка со црвениот слон и бојата Arancione Lava потсетуваат на легендарните рели модели од 70-тите. Достапни се и Nero Ardesia и Bianco Quarzo.
Во ентериерот има спортски седишта обложени со Econyl, електрично сина инструмент табла, алуминиумски педали и HF логоа насекаде. Дигиталната кабина содржи два 10.25-инчни дисплеи, амбиентално осветлување и системи за автономно возење од ниво 2.
HF Line – спортски изглед без перформанси
За оние што го сакаат изгледот, но не и цената или моќноста, достапна е и Ypsilon HF Line, визуелно слична верзија, но со 17-инчни тркала и без проширени крила. Може да се добие со благ хибриден 1.2-литарски мотор со 110 КС или со стандардниот електричен погон. Хибридната верзија забрзува до 100 км/ч за 9,3 секунди, но има поголема максимална брзина – 190 км/ч.
HF Line вклучува спортски седишта со “канелони” дизајн и портокалови шевови, но нема никакви механички унапредувања. Почетната цена е €22.450, додека „вистинскиот“ HF чини €39.200 што го прави најскапиот Ypsilon досега.
Подготвени и тркачки верзии
Lancia најави и две тркачки спецификации базирани на Ypsilon: HF Racing со 143 КС и Rally 4 HF со 209 КС. Двата модели користат 1.2-литарски турбо мотор и механички диференцијал, додека Rally 4 доаѓа со Sadev петстепен менувач, тркачки сопирачки и рели компоненти. Цените започнуваат од €38.900 за HF Racing, додека Rally 4 HF чини €74.500.
