Ford лансираше C-MAX Sport во Европа
Европската поделба на Ford најави дека брендот започна со продажбата на нова специјална серија на моделот C-MAX, каде основниот акцент е врз динамичното емитување, како и зголемената и подобрена опрема
Од Ford коментираат дека новиот C-MAX Sport се одликува со посебни бои на екстериерот со црни апликации, уникатни за серијата 17 и 18-инчни алуминиумски тркала, дополнителните спортски акценти, како на надворешноста, така и во внатрешноста, голем број на технолошки системи за подобрување на безбедноста и удобноста, како паркинг асистент, врата со далечинско отворање со нога под браникот, инфо-комуникациски и мултимедијален систем SYNC 3, спортски седишта со дополнителна странична потпора и друго.
Ford C-MAX Sport пристигнува на пазарот со меѓународно признатиот и одличен трицилиндерски EcoBoost 1.0-литарски бензински мотор, кој за прв пат се нуди во комбинација со систем за деактивирање на еден од цилиндрите, за постигнување на уште подобра горивна економичност. Во верзијата со 100 коњски сили, овој агрегат е во состојба да понуди да минете 100 километри со 5,6 литри гориво, а кај модификацијата со 125 коњски сили, просечната потрошувачка на гориво е 5,7 литри на 100 километри.
C-MAX Sport се нуди и со 1.5 литарски EcoBoost бензински мотор со 150 коњски сили, во комбинација со шест-брзински мануелен и автоматски менувач, како и во верзија со 180 КС и шест-брзински автоматски менувач.
Дизелските верзии на автомобилот доаѓаат со 1.5 литарски TDCi агрегат со 95 и 120 коњски сили, и 2.0 TDCi со 150 и 170 КС.
