Volkswagen Amarok повлече 43-тонски трамвај
Дизелска верзија на пикапот Volkswagen Amarok успеа да повлече трамвај со должина од 32.3 метри и тежина 42.9 тони
Видео од тестот објави унгарската поделба на германскиот Концерн. Пикапот кој учествувал во експериментот бил опремен со шестцилиндерски турбодизел со зафатнина од 3.0 литри и 258 КС. Краткотрајната функција за зголемување на притисокот во компресорот ја зголемува моќноста на 271 коњ, а моторот развива максимален вртежен момент од 580 Nm.
На стартот на веков, тогаш новиот Volkswagen Touareg со 5.0 литарски дизел V10 повлече Boeing 747 со тежина од 155 тони и стави почеток на цела серија демонстрации на сила и моќ. Toyota Tundra повлече приколка со шатлот Endeavour, Nissan Patrol – натоварен и наполнет Ил-76, а во мај минатата година Porsche Cayenne повлече 285-тонскиот Airbus A380 на растојание од 42 метри.
