Во Шпанија почна производство на новиот Audi A1
Компанијата соопшти дека започна со производство на новиот Audi A1 во комплекс во Марторел
Новиот компактен модел ќе се произведува само во фабриката на шпанската марка Seat, а ќе се извезува на сите пазари на кои се нудат моделите од Audi. Ова придонесува за зголемување на продуктивноста на објектот, кое во моментот работи со капацитет од 80%.
Volkswagen Group одлучи составувањето на A1 да биде во Марторел по успешното производство на моделот Q3 на Audi.
Неговото производство започнало во средината на 2011 година, а резултатот е речиси 800.000 единици. Од фабриката велат дека новото Audi A1 ќе се произведува во две смени. Автомобилот е развиен на платформата MQB A0, која пак беше воведена минатата година со моделот Ibiza на шпанската марка.
