Volkswagen разви супер-чист дизел

Паралелно со развојот на електрични возила и хибриди, германскиот производител разви сопствено дизел гориво кое планира да го продаде. Новото гориво се вика R33 BlueDiesel и беше развиено од инженерите на Volkswagen заедно со експертите на Универзитетот во Кобург.

Како што објави Auto Evolution, ова не е нова технологија, бидејќи идејата предложена од страна на Neste е од пред 10 години и е основа за биогоривата. Сепак, од Volkswagen велат дека тие значително ги подобрија перформансите на новото гориво, а минатата година го тестирале на голем број модели на германскиот концерн.

За време на тестовите, возилата со R33 пријавиле 20% помали емисии во споредба со стандардните дизел возила.

Како дел од проектот, бензинска пумпа за новото гориво била изградена во седиштето во Волфсбург, а во фабриката во Салцбург се извршени целосни процедури за испитување. Volkswagen веќе измислил име за својот нов дизел – Зелен Премиум, и е убеден дека ќе може да влезе на пазарите во Европа.