Престојниот Audi S5 ќе го задржи V6 дизел моторот

Промените на S5 линијата се очекува да бидат усогласени со оние што неодамна се применија на S4, комбинирајќи нови светлосни уреди, браници и најконтроверзната промена, новиот благ-хибриден V6 дизел мотор.

Всушност, Audi веќе најави дека сегашните S5 Coupe, Sportback и Cabriolet ќе го носат 344 коњксиот 3,0 литарски V6 турбо дизел мотор, со тоа што новиот погон ќе биде подготвен да дебитира во ажурираната верзија на моделите.

Овој погон е помогнат од 48V благиот хибриден систем, кој напојува мал електронски придвижуван компресот, кој тврди дека ја подобрува реакцијата на моторот и ја засилува кривата на вртежниот момент при ниски вртежи во минута. Овој систем исто така ќе напојува и интегриран мотор за стартер и генератор, при што ќе се зголеми можноста за старт-стоп и ќе се овозможи исклучување на моторот при ниски оптоварувања.

Настрана од новиот погон, S5 ќе добие и низа естетски промени, уште еднаш поблизу усогласувајќи го со новиот S4, вклучувајќи ги и новите LED единици за осветлување. Се очекува да се прошири и листата на понудени фелни, бои и завршни обложувања. Внатрешните промени ќе бидат во малку посуптилно издание, со нови завршетоци и нов инфозабавен систем со екран на допир.

Новиот Audi S5 треба да се појави премиерно во септември на Саемот во Франкфурт.