F1 моторот на Renault за 2019 сега произведува над 1.000 КС
Тимот на Renault F1 тврди дека нивните тркачки автомобили се во можност да произведат и повеќе од 1.000 коњски сили во квалификациско издание
Германската публикација Auto Motor und Sport неодамна разговараше со шефот на погонскиот одел на Renault, Реми Тафин, кој откри дека тие успеале да достигнат четири-цифрена бројка во однос на моќноста, но само под специфични околности.
„Има само одредени врвни перформанси во квалификациите“, рече тој. „Не можеме секогаш да ги добиеме тие перформанси. Тие зависат од многу фактори. На пример, растојанието и надворешните температури “, додаде тој.
Renault јавно се пофали колкава моќност успеале да извлечат од 1,6 литарскиот турбо-напојуван V6 хибриден погон, со што резултатите од патеката покажуваат дека дури и ако тие има најмоќен мотор во квалификациите, сепак со своите резултати заостанува зад Mercedes, Ferrari и Red Bull Racing.
Најдобропласираниот возач на Renault на шампионскиот пласман е Даниел Рикиардо кој е на 11-то место со 22 шампионски бода, веднаш позади Карлос Саинз Јуниор, Торо Росо и Данил Квјат на McLaren и Кими Раиконен на Alfa Romeo. Очигледно, високите бројки на коњските сили можеби звучат убаво за фалење, но сепак, во Formula 1, голема моќност не мора да значи и брзи автомобили.
