Škoda со Monte Carlo изведба на Scala и Kamiq
Моделите Monte Carlo ќе бидат додадени во опсегот на Scala и Kamiq, а Škoda го најави нивното деби на Саемот за автомобили во Франкфурт овој септември
Деталите и фотографиите од новите модели допрва треба да бидат објавени, но според неодамнешните Monte Carlo модели, новите варијанти на Scala и Kamiq ќе добијат голем број стилски измени и надградби на опремата, но дополнителната моќност или вртежен момент не се на оваа листа.
Карактеристиките најверојатно вклучуваат црни алуминиумски фелни, нови завршни акценти по надворешноста, додавање на спортски спојлер, спортски предни седишта, контрасни шивови, метални педали и евентуално кожни прекривки за воланот и менувачот. Како и со претходните варијанти на Monte Carlo, Škoda треба да понуди широк спектар на мотори кај новите Scala и Kamiq.
Компанијата изјави дека започнала да го користи името Monte Carlo уште во 1936 година, со ограничена серија на легендарниот Škoda Popular, откако автомобилот успеал да заврши на втората позиција на релито. Ознаката е заживеана во 2011 година и применета на хечбекот Fabia.
