Audi размислува за електричен наследник на R8

Според извештаи на британски медиуми, германскиот производтел планира целосно електричен наследник за спортскиот R8, а веќе донесена е одлука за името на моделот, производниот погон, како у планираниот датум за почеток.

Електричниот наследник на R8 ќе се вика RS e-Tron и ќе биде склопен во Böllinger Höfe фабриката во Хајлброн, Германија почнувајќи од 2023 или 2024 година. Сегашниот R8 со конвенционален погон се произведува во фабрика во близина на погонот Neckarsulm. Како и да е, ова нема да биде првиот електричен модел произведен во Хајлброн. Како што е соопштено, погонот моментално се прилагодува за производството на e-Tron GT, кое треба да започне од крајот на 2020 година.

Првите клучни податоци се исто така протечени. Најверојатно користејќи ја технологијата на Rimac, за RS e-Tron планирани се четири електрични мотори, кои ќе испорачуваат вкупна моќност од околу 900 коњски сили и батериски пакет од 95 kWh. Погонот, може да го забрза автомобилот до 100 km/h за 2,5 секунди, а притоа да обезбеди опсег од околу 480 километри.

„Audi Sport мора да има електрична мобилност, а иконите на нашите брендови мора да станат електрични. Разговараме за спортски автомобили и RS возила на кои им е потребна промена кон е-мобилност“, изјави Јоаким Ротшенспилер, главен директор за развој на Audi.

Електричниот автомобил на Audi се очекува да достигне цена од околу 200.000 долари.