VW ID.Crozz добива производна верзија наречена ID.4
По премиерата на ID.3, Volkswagen го искористи Саемот во Франкфурт да ја најави производната верзија на ID.Crozz
Во 2017 година на Саемот во Лос Анџелес, Volkswagen го претстави концептниот ID. Crozz како електричен SUV со големина на Tiguan. Неодамна, во Франкфурт по премиерата на ID.3, компанијата ја најави и производната верзија на моделот, наречена ID.4. Автомобилот ќе биде наменет за САД и ќе претставува првиот модел базиран на MEB платформата на тој пазар.
Дебито на сериската верзија е закажано за пролетта 2020 година, а се очекува производниот модел да има поконзервативна форма на телото, најверојатно поблиску повторно до Tiguan. На IAA брендот покажа силно камуфлиран SUV, означен како „Следниот ID“.
Технички гледано, ID.4 ќе се базира на истата MEB платформа слично како и кај ID.3, нормално со некои разлики. Концептниот ID. Crozz користи 83 kWh батерија, со нето капацитет од 77 kWh. Задниот мотор со 150 kW, веќе познат од ID.3, е надополнет со 75 kW мотор на предната оска во ID. Crozz, со што овој SUV доаѓа со погон на сите четири тркала и системски излез од 225 kW.
За разлика од ID.3, кој Volkswagen првенствено има намера да го пласира само во Европа, електричниот ID.Crozz ќе се продава и во САД и евентуално локално.
