Доминација на Хамилтон и нов рекорд со кој го надмина Шумахер

Шесткратниот светски шампион дојде до својата четврта победа од вкупно шест трки сезонава на патеката Каталуња во трката за Големата награда на Шпанија. Луис Хамилтон ја забележа својата 88 победа во кариерата, со што само три победи го делат од рекордот на Михаел Шумахер. Инаку, Британецот постави нов рекорд по бројот на подиуми во кариерата, откако успеа да дојде до бројката од 156, надминувајќи го легендарниот Германец.

Flashback to preseason 2007 – and praise for the then-rookie @LewisHamilton from the great Michael Schumacher 👀

Today Hamilton moved past Schumacher to number one on the all-time list of F1 podium finishes, by taking his 156th 🏆#SpanishGP 🇪🇸 #F1 pic.twitter.com/wAO0useMFL

— Formula 1 (@F1) August 16, 2020

Хамилтон водеше во текот на сите 66 круга за време на трката, а на крајот имаше 20 секунди предност во однос на второпласираниот Макс Верстапен од Red Bull. На третото место заврши вториот возач на Mercedes, Валтери Ботас.

ICYMI: Our top ten in Spain on Sunday 👀#SpanishGP 🇪🇸 #F1 pic.twitter.com/IRrXB95v1e

— Formula 1 (@F1) August 16, 2020

Трката на Каталуња беше решена уште на самиот старт кога Хамилтон ја задржа првата позиција, додека Верстапен се проби пред Ботас, кој ја загуби позицијата и од Ленс Строл од Racing Point. Британецот веќе по неколку круга успеа да им побегне на своите ривали, кои во ниту еден момент не успеаја посериозно да го загрозат. Ниту второто место на Верстапен не беше доведено под знак прашалник, додека Ботас многу брзо успеа да се пробие пред Строл и да си го обезбеди третото место.

A masterclass from @LewisHamilton as he takes his fourth win of 2020 to extend his lead at the top of the driver standings!#SpanishGP 🇪🇸 #F1 pic.twitter.com/EpRRBgPE2n

— Formula 1 (@F1) August 16, 2020

Само Ботас и Верстапен беа на ниво на Хамилтон

Инаку, треба да се напомене дека единствено Верстапен и Ботас трката успеаја да ја завршат во истиот круг како и Хамилтон. Финецот дури три пати беше во боксот, додека Верстапен и Хамилтон само два пати, а му припадна и најбрзиот круг на трката, за што освои дополнителен бод. Строл на крајот беше најдобар меѓу останатите, пред тимскиот колега Серхио Перес, кој беше казнет со дополнителни пет секунди поради игнорирање на сините знаменца.

Lando and Charles going at it in Spain on Sunday ⚔️

You love to see it 😍

Watch race highlights from Barcelona ⬇️#SpanishGP 🇪🇸 #F1

— Formula 1 (@F1) August 16, 2020

Како и да е, благодарение на новата победа Хамилтон си ја зголеми предноста во генералниот пласман и сега има 132 бода, 37 повеќе од Верстапен, додека Ботас е трет со 89. Сезоната во Formula 1 продолжува на 30 август со Големата награда на Белгија.