Renault Trafic со модерен изглед и поголема безбедност

Визуелно, фејслифтот не претставува големо отстапување од веќе препознатливиот дизајн на досегашниот модел на Renault Trafic. Но, сепак тука се неколкуте важни промени како што е изменетата хауба, новите браници и новите full LED предни светла. Тие заедно создаваат поекспресивен изглед на екстериерот на кој доминира масивното хромирано Renault лого на предниот дел, кој пак е во согласност со најновите модели на брендот. Редизајнирана е и решетката која сега е опколена со стилските предни светла во форма на буквата C.

Новитет кај освежениот Renault Trafic е новата Rouge Carmin црвен финиш на екстериерот, кој се приклучува на останатите шест достапни 17-инчните тркала со дијамантски ефект на SpaceClass и ретровизорите со електрика.

Контролната табла е целосно нова, иако чувството на препознатливост останува. На средината е поставен 8-инчниот инфозабавен систем кој пристигнува со Apple CarPlay и Android Auto конективност, бежичен полнач за телефони, физички команди за клима-уредот и нов трикрак мултифункционален управувач. Кога станува збор за капацитетот, треба да се напомене дека во кабината е достапен простор од 86 литри, карго волуменот изнесува 1,8 кубни метри, а возилото нуди простор за 9 патници.

Новите Renault Trafic Combi и SpaceClass се опремени со најновите системи за асистенција при возењето како итно сопирање, предупредување за напуштање на коловозната лента, предупредување за слепа точка, адаптивен темпомат, како и ново воздушно перниче кое покрива двајца патници.

Моќноста се добива од три 2,0-литарски dCi дизел мотори со 110, 150 и 170 КС опремени со stop&start технологија. Првите два пристигнуваат со шестстепен мануелен менувач, но шестстепениот автоматик со двојна спојка е достапен за сите нив, со исклучок на базичниот модел.

Renault ќе објави повеќе детали за Renault Trafic Combi и SpaceClass кон почетокот на следната година пред да ги лансира во март.