Kia ги претстави Sorento Yosemite и Zion концептите

Наречени по двата американски национални паркови, концептите на Kia, Yosemite и Zion се базирани на Sorento X-Line и се модифицирани од страна на LGE-CTE Motorsports.

Почнувајќи со Sorento Yosemite, кросоверот е дизајниран за „авантури на високи возвишувања и планинско живеење“. Се карактеризира со Pine Green екстериер и мат и сјајно црни акценти. Моделот исто така е опремен и со сатенски хромирани странични прагови, покривна шина и LED светлечки единици. На крaјот, тука се и специјално изработените наплатки на сводовите над тркалата и 20-инчните тркала обложени со 32-инчни пневматици за сите терени.

Sorento Zion од друга страна е во голема мера идентичен, но е наречен „возило за бегство во пустината, направено за совладување на песочните дини“. Како резултат на тоа, се одликува со Desert Sand боја со сјајно црни акценти. Моделот исто така има и носач фиксиран на покривот и двобојни 20-инчни тркала.

И додека возилата се едноставно концепти, тие се базирани на Sorento X-Line кој има унапреден пристап како и подигнат систем на потпирање кој овозможува 211 милиметри клиренс. Моделот исто така се карактеризира со поагресивен карго предел на покривот и унапреден систем за погон на сите четири тркала.