Новите автомобили загадуваат исто како и старите?!

До овој заклучок дојде група научници од пет европски земји кои го проучуваат влијанието на штетните гасови во големите градови.

Студијата вклучува експерти од Грција, Португалија, Русија, Италија и Романија. Тие се предводени од врвниот европски токсиколог, Аристидес Цацакис, кој исто така е претседател на Евротоксис (Асоцијација на европски токсиколози). На оваа теза со свои ставови се придружија научници од Јужна Кореја и Кина. Групата ги испитува нивоата на штетни гасови не само од патнички возила, туку и од автобуси, камиони и железници. За оваа цел се собрани неколку илјади примероци на цврсти честички кои содржат токсични супстанции, саѓи, разни метали и наночестички. Во моментов се истражуваат нивните својства, нивниот клеточен состав и нивното влијание врз живите суштества и растенија.

Во извештајот истражувачите се категорични дека подеднакво штетни за екологијата се, како новите антомобили, така и застарените модели со голем опсег и истрошени мотори. Експериментите со животни покажаа дека јаглеродните нанофибер содржани во големи количини во емисиите на моторот имаат влијание врз однесувањето и активноста и исто така доведуваат до алергиски реакции.

– Јасно е дека емисиите од автомобили се штетни за природата и за здравјето на луѓето. Досега, сепак, нивното влијание отсекогаш било истражено „во парче“. Ние се обидуваме да го разгледаме проблемот на сложен начин, наша цел е да ги обезбедиме податоците добиени на државните органи и соодветно да ги смениме постојните закони и стандарди за гориво, истакна Цацакис.