Lotus повторно директен конкурент на Ferrari и Porsche?!
Со нови кинески инвестиции од својот нов сопственик Geely, Lotus планира многу за својата иднина, да стане еден од најмоќните егзотични брендови на планетава
Претседателот на новата фирма, Ана Конг, истакна за Autocar дека во минатото Британците биле на рамниште со брендови како Ferrari и Porsche. Новата мисија ќе биде усогласена со познатите производители од Италија и Германија и ќе се вратат убавите времиња.
Важен дел од реструктуирањето на брендот ќе одигра идниот нов SUV модел, кој сé уште не е потврден за сериско производство. Во моментов се проценуваат различни идеи, а не е исклучена можноста тој да се базира на платформата на Volvo XC40, бидејки Швеѓаните се исто така дел од групата на Geely.
Договорот помеѓу Geely и Lotus беше финализиран во септември оваа година. Повеќето експерти предвидуваат дека Британците ќе продолжат сами да ги донесуваат идните одлуки, но ќе добијат финансиска и технолошка поддршка од нивниот нов кинески сопственик.
