Mitsubishi со тизери го најави освежениот Outlander

Mitsubishi започнува со својата тизер кампања за редизајнираниот Mitsubishi Outlander plug-in хибрид, а јапонскиот производител сега сподели и нови детали за престојниот модел.

Иако не се споделени голем број конкретни детали, од Mitsubishi потврдија дека plug-in хибридниот кросовер ќе добие еволуирана верзија на нивниот Super-All Wheel Control системот, кој ветува дека ќе добие „побезбедно и поудобно возење во различни временски и патни услови“.

Покрај ова, моделот ќе биде опремен со систем за погон на сите четири тркала со два електромотори, еден на предната, а еден на задната оска. Mitsubishi вели дека оваа постапка ќе им овозможи да ги искористат предностите на нивната каркактеристична респонзивност, истовремено овозможувајќи оптимална распределба на моќноста меѓу предните и задните тркала според условите на патот и возењето.

Од Mitsubishi исто така истакнуваат дека комбинацијата на системи ќе овозможи унапредено маневрирање, подобро влегување во свиоците и засилено сопирање. Кога станува збор за последното, компанијата истакна дека унапредениот S-AWC систем додава уникатен систем за контрола на сопирањето за задните тркала и дека „ова го намалува оптоварувањето на предните тркала“ додека истовремено „овозможува да се извлечат максималните перформанси од сите четири тркала на многу поизбалансиран начин“. Исто така, ветува и управливост која е многу пореална со намерите на возачот.

На крајот, Mitsubishi потврди дека Outlander PHEV ќе има седум различни возачки режими, вклучувајќи ги и традиционалните Normal, Gravel и Snow. На нив ќе им се приклучи и Power режимот кој се фокусира на забрзувањето, како и Eco режимот, кој е насочен кон еколошкото возење. Компанијата одби да открие кои се последните два режими, но многу веројатно е еден од нив да биде EV режим.

Компанијата ги држи останатите детали во тајност, но потврди дека кросоверот ќе биде лансиран во Јапонија пред крајот на март 2022 година.