Саинс, Вaлкнер и Николаев го освоија Дакар

Валкнер му донесе 17-та победа на KTM, а ова е втора победа за Камаз по ред на маратонското рели низ беспаќата на јужна Америка.

Саинс освои само две етапни победи, на крајот и почетокот на втората недела, но се покажа дека тоа е доволно да стигне до вториот триумф на релито Дакар, кое годинава се одржа по 40-ти јубилеен пат. Стариот рели волк возеше мудро, внимателно, тактички немаше сериозни проблеми, а кога клубскиот колега Стефан Петерхансел доби оштетување по една несреќа, Шпанецот умешно ја искористи ситуацијата и се најде на лидерската позиција, која не ја „испушти до крај“.

Карлос и навигатор Лукас Круз, беа под закана од казна од 10 минути поради инцидентот со Кис Колајн, но потоа беше укината, иако Холанѓанецот не се откажал од идејата да го даде „Матадорот“ на суд заради ударот меѓу нив. Три дена пред целта, Петерхансел призна дека нема шанси да ја стигне предноста на Сајнц, која изнесуваше скоро еден час, а потоа одговори и на прашањето дали во Peugeot ќе користат наредби од боксот.

Во претпоследниот фаза, Патерханзел повторно се преврте, што го донесе дури на 4-то место во конечниот пласман, а на подиумот се искачија пилотите на Toyota, Насер Ал-Атија, кој имаше најмногу етапни победи и се израмни со Саинс на листата на вечните и Жинел де Вилие.

Австриецот Матијас Валкнер ја донесе 17-та последователна победа на КТМ кај мотоциклите. Валкнер го презеде водството по драматичната 10-та фаза, кога четворица од првите шест на табелата не се снајдоа со навигацијата и загубија многу време, а лидерот Адриен ван Беверен падна и не можеше да го зачува првото место. Валкнер победи на оваа етапа и оствари предност од речиси 40 минути, од кои до финишот му останаа 17, сосема доволни за да ја оствари својата прва победа во маратонската трка.

Едвард Николаев и Камаз запишаа втора последователна победа кај камионите, За Русинот ова е вкупно трет успех, а тимот од Набережие Челни веќе има 14 победи во последните 18 години. Овој пат тимот на Камаз успеа да се најде начин да се справи со нападот на аргентинскиот рели возач, Федерико Вилагра со Iveco, бидејки на само два дена пред целта, Николаев имаше предност од само 1 секунда пред Вилагра, но во претпоследниот ден Аргентинецот отпадна поради дефект во менувачот.