Alfa Romeo слави 100 години Quadrifoglio
Alfa Romeo оваа година ќе ја слави 100-годишнината на својата најпозната значка Quadrifoglio, но и 60-годишнината на одделот Auto Delta
Quadrifoglio е италијански збор за детелина со четири листа, а поврзаноста со Alfa Romeo е навистина интересна. Приказната датира од 1923 година на Targa Floria, возачот Уго Сивочи го стави симболот на среќата на неговиот Alfa Romeo RL и на крајот победи на трката. Тоа беше почеток на асоцијацијата помеѓу Alfa и Quadrifoglio. Марката има намера да ја прослави 100-годишнината од овој симбол за нејзиниот успех во мотоспортот во текот на 2023 година.
Детелината со четири листа, исто така, се појави на гран-при тркачките возила на Alfa Romeo во 1920-тите како начин да се разликуваат болидите на тимот од истите возила од Scuderia Ferrari. Подоцна, Quadrifoglio беше на моделите што ги освоија првите две светски првенства во Formula 1 во 1951 и 1952 година.
Иако не е толку познат како Quadrifoglio, Alfa Romeo ја одбележува и 60-годишнината од Auto Delta. Компанијата изгради тјунирани модели на Alfa и на крајот стана официјално тркачко одделение на производителот на автомобили. Нејзините креации ги вклучуваат Giulia Sprint GTA од 1965 година и прототипи за трки во настани како 24 часа Ле Ман.
Giulia SWB е последниот модел со Quadrifoglio значка
Како дел од годишнините, Alfa Romeo воведува ажурирани амблеми за Quadrifoglio и Auto Delta. И двете логоа ја покажуваат годината на основање на соодветниот бренд.
Како дел од прославата ќе има состанок во музејот Alfa Romeo во Аресе, Милано на 5 март за одбележување на годишнината на Auto Delta. Потоа, 25 јуни ќе биде Ден на Quadrifoglio, вклучувајќи и парада. Покрај овие свечености, не е јасно дали Alfa има намера да направи нешто друго за да ги одбележи годишнините.
Најновото возило што го носи логото Quadrifoglio на својот браник е Giulia SWB што доаѓа од соработката помеѓу Alfa Romeo и Zagato. Возилото е уникат и не постои реална можност да се забележи некаде на патиштата. Основното возило е Giulia Quadrifoglio, но со пократко меѓуоскино растојание и ремонтирана надворешност. Дизајнот ги спојува елементите од претходните Alfa SZ и Giulia TZ во купе со остар стил. Под хаубата, битурбо 2,9-литарскиот V6 има 533 КС и 600 Nm вртежен момент.
