Peugeot ги објави комплетните детали за целосно новиот E-3008

Иако Peugeot го откри изгледот новиот E-3008 минатата недела, сепак повеќето механички детали и остатокот од фотографиите ги задржа под тајност се до денешното официјално претставување.

Француската марка денес сподели многу повеќе детали за E-3008, но целата приказна го надминува самиот автомобил, бидејќи има многу информации кои се однесуваат на групацијата Stellantis. Пред се, поради тоа што E-3008 е првиот автомобил кој ја користи новата STLA Medium платформа на групацијата која наскоро ќе се најде и кај други модели од други марки кои се под чадорот на Stellantis.

Создаден за маратони

Кога станува збор за спецификациите, веќе беше познато дека E-3008 ќе испорача до 320 КС и 700 километри опсег на движење, но Peugeot сега ги сподели сите други детали кои ќе помогнат да се пополнат празнините. Така, почнувајќи од основата на линијата со три модели, тука е Electric 210. Има единечен електричен мотор поставен напред што испорачува 210 КС и 343 Nm. Тоа е доволно за забрзување од место до 100 км/ч од 8,7 секунди, а ќе може да патува 525 километри со својата батерија од 73 kWh.

Оние кои сакаат повеќе, тука е Electric 230 Long Range. Тој, исто така, работи со еден мотор напред, но има акумулација на батеријата до 98 kWh, што го продолжува растојанието помеѓу полнењето на 700 километри. Има и поголема моќност – 230 КС, иако дополнителната максимална тежина (2.174 кг наспроти 2.114 кг) и идентичниот вртежен момент значи дека е побавен од Electric 210 основниот модел. Потребни му се 8,9 секунди за да забрза до 100 километри на час.

Купувачите на кои им е потребно многу повеќе од сето ова ќе се одлучат за Electric 320. Кај оваа варијанта се зема основниот пакет FWD 210 и се додава мотор на задната оска од 110 КС и 166 Nm за да се добие E-3008 со погон на сите тркала. Како што сугерира самото име, оваа верзија има 320 КС, а за забрзување од место до „стотка“ потребни се 6,4 секунди. Изненадувачки, Peugeot вели дека AWD 320 ќе го има истиот опсег од 525 километри како и основниот автомобил чија батерија ја дели, и покрај тоа што тежи 85 килограми повеќе, бидејќи во тие специфични услови за тестирање дополнителната маса нема никакво влијание.

Хибридите и PHEV верзијата доаѓаат подоцна

Сите три верзии на E-3008 стандардно добиваат вграден полнач од 11 kW, како опција е достапна надградба од 22 kW и може да прифатат 160 kW наизменична струја. Тоа е доволно за да се наполнат двата автомобили со стандарден опсег од 20-80 проценти за 30 минути, додека на моделот 230 Long Range му требаат пет минути помалку бидејќи ќе има различна технологија на батерии.

Она што треба да се напомене исто така е дека Stellantis STLA Medium платформата исто така располага со хибридни и plug-in хибридни погонски единици, а Peugeot ќе ги претстави кај „обичниот“ 3008.

Дизајнот е веќе познат, бидејќи Peugeot веќе го покажа изгледот на новиот модел. Станува збор за fastback-SUV кој го прифаќа мускулестиот дизајнерски јазик на автомобилите како новиот 4008, и има далеку поспортска линија на покривот од актуелниот 3008.

Таа линија на покривот не влијае на товарниот волумен од седиштата до прозорецот, кој со 520 литри одговара на она што може да го испорача 3008. Исто така, вреди да се напомене дека задниот мотор на моделот на возачот на сите тркала одзема 50 литри простор за складирање и дека ниту еден од автомобилите нема преден багажник.

Целосно нов панорамски ентериер на i-Cockpit

Онаму каде што новата платформа треба да испорача повеќе практичност, е внатре. Меѓуоскиното растојание на E-3008 од 2.739 милиметри е за 64 милиметри поголемо од стариот 3008, што треба да им даде на патниците на задните седишта забележително зголемување на просторот за нозете на задниот дел. Во предниот дел се истакнува новиот 21-инчен заоблен панорамски дисплеј на Peugeot i-Cockpit.

E-3008 започнува со продажба во Европа во февруари 2024 година, а првите модели што пристигнаа се основниот FWD 210 и бензинскиот хибрид за кој сè уште нема официјални детали. Преостанатите електрични верзии и plug-in хибридниот модел ќе се приклучат на гамата до крајот на третиот квартал идната година.

Со овој распон на погонски единици, карактеристичниот стајлинг и одважен ентериер, нема дилеми дека новите E-3008 и 3008 ќе бидат вистински погодоци за Peugeot, особено со оглед на успехот на неговите други SUV модели и електрични возила.